នៅក្នុងភូមិដាច់ស្រយាលមួយនៅតាមដងទន្លេសាប ឃុំពង្រក្រោម ស្រុកជីក្រែង ឪពុកម្ដាយជាច្រើនកំពុងចាប់យកវិធីសាស្រ្តថ្មីក្នុងការចិញ្ចឹមកូនរបស់ពួកគេ។ ពួកគេបានទម្លាក់ចោលរំពាត់ និងចាប់យកវិធីសាស្រ្តបែបទន់ភ្លន់វិញ។ បើទោះជាពិបាកក្ដី ការផ្លាស់ប្ដូរនេះកំពុងនាំមកនូវផលប្រយោជន៍យ៉ាងជ្រាលជ្រៅជូនគ្រួសារនានា ដោយសារពួកគេងាកចេញឆ្ងាយពីការអនុវត្តតាមបែបប្រពៃណីពាក់ព័ន្ធនឹងទណ្ឌកម្មលើរាងកាយ ទៅរកវិធីសាស្រ្តបែបអហិង្សាវិញ។
