Limburg, Nederland

Limburg
Provinsie
Vlag Wapen
Ligging van die provinsie Limburg in Nederland
Koördinate: 51°13′N 5°56′O
Land	Nederland
Hoofstad	Maastricht
Grootste stad	Maastricht
Regering
• Kommissaris	Theo Bovens (CDA)
Oppervlak
• Totaal	2 209 km2 (853 vk. myl)
• Land	2 151 km2 (831 vk. myl)
• Water	58 km2 (22 vk. myl)
Bevolking
• Totaal	1 120 006
• Digtheid	507/km2 (1 313/vk. myl)
Tydsone	UTC+01:00 (MET)
• Somertyd	UTC+02:00 (MEST)
Webwerf	www.limburg.nl

Limburg (Limburgse uitspraak: Lèmburg) is een van die 12 provinsies van Nederland en is in die suidooste geleë. Die provinsie het 'n bevolking van 1 120 006 in 2014 gehad en beslaan 'n oppervlakte van 2 209 km² met 'n bevolkingsdigtheid van 507 per km². Die hoofstad en grootste stad is Maastricht.

Geografie

Roermond

Camerig en omgewing

Limburg lê in die suidooste van Nederland. Die provinsie grens in die noorde aan die Nederlandse provinsie Gelderland, in die ooste aan die Duitse deelstaat Noordryn-Wesfale, in die suide aan die Belgiese provinsies Luik en Limburg, in die suidweste ook aan Belgies Limburg en in die noordweste aan die Nederlandse provinsie Noord-Brabant.

Limburg is in die noorde en midde 'n glooiende provinsie, maar in die suide heuwelagtig, waar die uitlopers van die Ardenne- en Eifel-bergreeks is. Die hoogste punt is daarom ook in hierdie Suid-Limburg op die Drielandepunt van die Vaalserberg (323 m), op die gesamentlike grens met België en Duitsland (aan Nederlandse kant in die munisipaliteit Vaals geleë).

Deur die provinsie vloei van suid na noord die Maas-rivier. Die Maas is 'n belangrike rivier vir transport en ontspring in Frankryk. Die Maas is 'n reënwaterrivier.

Geskiedenis

Limburg was 'n deel van die Romeinse Ryk. Daar is baie voorwerpe uit die periode in Limburg ontdek. Ook is daar nog (onderdele van) geboue uit die periode van die geskiedenis. Maastricht was bekend as Mosa Trajectum, Mosa ad Trajectum of Trajectum.

Die midde en noorde van Limburg het vroeër tot die hertogdom Gelre en later met Maastricht tot die Republiek van die Sewe Verenigde Nederlande behoort. In 1795 het die Franse veroweraars die departement Beneden-Maas geskep, wat grotendeels ooreenkom met die provinsies Limburg in België en Nederland. Na die ontstaan van die Verenigde Koninkryk van die Nederlande is die naam in 1815 in Limburg gewysig. Na die onafhanklikheid van België is in 1839 die provinsie in Belgies en Nederlands Limburg verdeel.

Tale

In die provinsie word naas Nederlands ook die Limburgse dialek gepraat. In die uiterste suidooste word die Ripuariese dialek gebesig (munisipaliteite Kerkrade-Simpelveld-Vaals).

Religie

Die provinsie is 'n Rooms-Katolieke bisdom, Roermond, en tradisioneel nagenoeg volledig Rooms-Katoliek.

Kultuur

Die provinsie het 'n unieke kultuur ten opsigte van die andere provinsies met sy dialekte, skutterye, musiekverenigings, kermis, geregte en dranke. Die kultuur, tradisies, dialekte alsook die volkslied is identiek aan Limburg in België.

Munisipaliteite

Die provinsie Limburg se munisipaliteite

Limburg bestaan uit 33 munisipaliteite:

Beek, 17 000 Beesel, 14 000 Bergen, 13 000 Brunssum, 29 000 Echt-Susteren, 32 000 Eijsden-Margraten, 25 000 Gennep, 17 000 Gulpen-Wittem, 14 000 Heerlen, 89 000 Horst aan de Maas, 42 000 Kerkrade, 47 000

Landgraaf, 38 000 Leudal, 37 000 Maasgouw, 24 000 Maastricht, 120 000 Meerssen, 19 000 Mook en Middelaar, 8 000 Nederweert, 17 000 Nuth, 16 000 Onderbanken, 8 000 Peel en Maas, 43 000 Roerdalen, 21 000

Roermond, 56 000 Schinnen, 13 000 Simpelveld, 11 000 Sittard-Geleen, 95 000 Stein, 26 000 Vaals, 10 000 Valkenburg aan de Geul, 17 000 Venlo, 100 000 Venray, 43 000 Voerendaal, 13 000 Weert, 49 000

Sien ook

• Belgiese provinsie Limburg

Eksterne skakels

• Wikimedia Commons het meer media in die kategorie Limburg, Nederland.
• (nl) Amptelike webwerf van die provinsie Limburg
• (nl) Toeristiese inligting oor Limburg