Hurst Hill

Hurst Hill
Voorstad
Hurst Hill  Hurst Hill se ligging in Gauteng
Koördinate: 26°11′20″S 27°59′10″O
Land	Suid-Afrika
Provinsie	Gauteng
Munisipaliteit	Stad Johannesburg
Hoofplek	Johannesburg
Oppervlak
• Totaal	0,24 km2 (0,09 vk. myl)
Bevolking  (2011)
• Totaal	2 321
• Digtheid	9 671/km2 (25 050/vk. myl)
Rasverdeling (2011)
• Wit mense	9,0%
• Indiërs/Asiërs	3,6%
• Bruin mense	11,4%
• Swart mense	75,4%
• Ander	0,6%
Taal (2011)
• Engels	34,2%
• Afrikaans	14,1%
• Zoeloe	10,7%
• Tswana	10,3%
• Ander	30,8%

Hurst Hill is ’n voorstad van Johannesburg, sowat 6 km wes van die stadsaal.

Die NG gemeente Crosby-Wes (gestig onder die naam Hurst Hill) is in 2004 by die NG gemeente Vergesig ingelyf. Die kerkgebou in Dunboynelaan (streng gesproke in Crosby) is jare later verkoop en omskep in 'n Moslemseunskool. Die toringspits is toe verwyder en die vensters uitgehaal en ander vervang.

In die noordweste grens dit aan Westbury, in die noorde aan Westdene, in die noordooste aan die Helen Joseph-hospitaal, in die ooste aan Rossmore en Brixton en in die suide aan Crosby. Hurst Hill is uitgelê op die langewerpige plaas Middelfontein tussen die plase Braamfontein in die noorde en Langlaagte in die suide. In die weste het Middelfontein gegrens aan Waterval.

Hurst Hill was in vroeër jare ’n oorwegend Afrikaanse voorstad soos blyk die getalle munisipale kiesers volgens huistaal. Crosby word in die tabel ingesluit ter wille van vergelyking:

	1934		1949		1961
	Afrikaans	Engels	Afrikaans	Engels	Afrikaans	Engels
Crosby			1798	282	2791	283
Hurst Hill	222	36	467	53	554	76

Bronne

• (en) Raper, Peter Edmund. 2004. New Dictionary of South African Place Names. Johannesburg & Cape Town: Jonathan Ball Publishers.
• (af) Stals, prof. dr. E.L.P (red.). 1978. Afrikaners in die Goudstad. Deel 1. 1886 - 1924. Kaapstad en Pretoria: HAUM.