Charles Aznavour
Charles Aznavour | |
|---|---|
 Charles Aznavour | |
| Agtergrondinligting | |
| Geboortenaam | Shahnour Varenagh Aznavourian / Շահնուր Վաղինակ Ազնավուրյան |
| Gebore | 22 Mei 1924 Parys, Frankryk |
| Sterf | 1 Oktober 2018 (op 94) Mouriès, Bouches-du-Rhône, Frankryk |
| Genres | Pop, chanson, jazz |
| Beroep(e) | skrywer, komponis, sanger en akteur |
| Jare aktief | 1933 - 2018 |
| Etikette | EMI, Barclay, Mercury, Monument, Ducretet Thomson, MGM, Polydor, Reprise, MusArm Records |
| Webwerf | www.c-aznavour.com |
Charles Aznavour (22 Mei 1924 in Parys - 1 Oktober 2018 in Mouriès, Bouches-du-Rhône; sy oorspronklike naam is Shahnour Varenagh Aznavourian (Armeens: Շահնուր Վաղինակ Ազնավուրյան) of soms ook Charles Aznavurijan) was 'n Franse skrywer, komponis, chansonnier (sanger) en akteur van Armeense afkoms. Hy was een van die bekendste Franse sangers.
Charles Aznavour word deur die beroemde sangeres Édith Piaf in 1946 op 'n konserttoer in Frankryk en die Verenigde State saamgeneem en verwerf sodoende internasionale bekendheid. Hy staan nou vir meer as 'n halfeeu bekend as een van die groot verteenwoordigers van die moderne Franse chanson-musiekgenre. Die meeste van die meer as 1 000 chansons wat hy geskryf het, behandel tradisionele onderwerpe soos die liefde. Sy diskografie van meer as eenhonderd opnames sluit weergawes van sy liedere in vyf tale in.
As akteur tree Charles Aznavour in meer as sestig rolprente op. In 2002 speel hy die hoofrol in sy mees persoonlike film, Ararat van die Kanadees-Armeense direkteur Atom Egoyan, wat die Armeense volksmoord in Turkye behandel.
Op 30 September 2006 het Charles Aznavour se konsert op die Republiekplein van die Armeense hoofstad Jerevan 50 000 toehoorders gelok, met wie hy ook Armeens gepraat het. Hy het ter geleentheid van die eerste amptelike besoek van 'n Franse Staatspresident in Armenië opgetree.
Bibliografie
[wysig | wysig bron]- Aznavour par Aznavour, Parys, Fayard, 1970, 311 p. (ISBN 978-2-7020-0214-8).
- Des mots à l'affiche, Parys, Le Cherche-midi, 1991, 153 p. (ISBN 978-2-86274-210-6).
- Mes chansons préférées, (mede-outeur saam met Daniel Sciora), Christian Pirot, 2000
- Le Temps des avants, Parys, Flammarion, 2003, 354 p. (ISBN 2-08-068536-8).
- Images de ma vie (fotoboek), Flammarion, 2005
- Mon père, ce géant, Parys, Flammarion, 2007, 152 p. (ISBN 978-2-08-120974-9 et 2-08-120974-8)
- À voix basse, Parys, Don Quichotte, 2009, 225 p. (ISBN 978-2-35949-001-5).
- D'une porte l'autre, Parys, Éditions Don Quichotte, 2011, 163 p. (ISBN 978-2-35949-044-2)
- En haut de l'affiche, Parys, Flammarion, 2011, 150 p. (ISBN 978-2-08-125710-8)
- Tant que battra mon cœur, Parys, Éditions Don Quichotte, 2013, 228 p. (ISBN 978-2-35949-162-3)
- Ma vie, mes chansons, mes films, (mede-outeur saam met Philippe Durant & Vincent Perrot), Parys, Éditions de la Martinière, 2015, 232 p. (ISBN 978-2-7324-7083-2)
- Retiens la vie, Parys, Éditions Don Quichotte, 2017, 139 p. (ISBN 978-2-35949-683-3)
Eksterne skakels
[wysig | wysig bron]Sien ook
[wysig | wysig bron]Normdata  |
|
|---|