HMS Invincible (1907)

Die HMS Invincible was 'n slagkruiser van die Britse Vloot tydens die Eerste Wêreldoorlog. Hy was ontwerp as 'n pantserkruiser maar later herklassifiseer as 'n slagkruiser. Hy het dieselfde slaankrag gehad as 'n slagskip - amper dieselfde as die HMS Dreadnought - maar het minder pantser gehad om sy spoed te vermeerder. Die ontwerp was nie suksesvol nie en hy en die susterskepe kon nie die straf verduur tydens die Slag van Jutland nie - drie skepe insluitende die Invincible ontplof tydens die slag met groot lewensverlies. Sy hoogtepunt was tydens die Slag van die Falkland-eilande.

Tegniese besonderhede

Die skip het 17 250 ton water verplaas en was aangedryf deur vier stoomturbines wat 41,000 dryfasperdekrag gelewer het en het 'n topspoed van 25,5 knope verseker. Hy was toegerus met agt 12-duim-, sestien 4-duim kanonne en vier 18-duim torpedobuise.

Bron

The Encyclopedia of Sea Warfare. Spring Books. 1975. ISBN 0-600-33111-3