Jemrehana Krestos

Jemrehana Krestos
Dinastie	Zagwe-dinastie
Bewind	11de eeu
Voorganger	Germa Sejoem
Opvolger	Kedoes Harbe

Jemrehana Krestos (wat "Abraham" genoem is deur die Portugese sendeling Francisco Álvares) was negus (koning) van Ethiopië en ’n lid van die Zagwe-dinastie.

Bewind

Volgens die Ethiopiese historikus Taddesse Tamrat was hy die seun van Germa Sejoem, die broer van Tatadim. Die Italiaanse geleerde Carlo Conti Rossini het egter in 1902 ’n dokument gepubliseer waarvolgens Jemrehana Krestos die opvolger van Na'akueto La'ab was en self deur Jetbarak opgevolg is.^[1]

Tamrat beskryf hom as die Ethiopiese koning wat die naaste aan ’n priester was en noem dat hy daarop aangedring het om die land volgens die Apostoliese kanons te regeer.^[2] Francisco Alvarez skryf dit was Jemrehana Krestos wat die tradisie begin het om mededingende erfgename van die troon by Amba Geshen te laat opsluit.^[3]

Verwysings

↑ Aangehaal in E.A. Wallis Budge, A History of Ethiopia: Nubia and Abyssinia, 1928 (Oosterhout, Nederland: Anthropological Publications, 1970), p. 277
↑ Taddesse Tamrat, Church and State in Ethiopia (Oxford: Clarendon Press, 1972), p. 61 n.3.
↑ Francisco Alvarez, The Prester John of the Indies vertaal deur C.F. Beckingham en G.W.B. Huntingford (Cambridge: Hakluyt Society, 1961), hoofstuk 59.

Skakels

Hierdie artikel is in sy geheel of gedeeltelik uit die Engelse Wikipedia vertaal.

[1] Aangehaal in E.A. Wallis Budge, A History of Ethiopia: Nubia and Abyssinia, 1928 (Oosterhout, Nederland: Anthropological Publications, 1970), p. 277

[2] Taddesse Tamrat, Church and State in Ethiopia (Oxford: Clarendon Press, 1972), p. 61 n.3.

[3] Francisco Alvarez, The Prester John of the Indies vertaal deur C.F. Beckingham en G.W.B. Huntingford (Cambridge: Hakluyt Society, 1961), hoofstuk 59.

[1]

[2]

[3]