Abraham Monson

Dr Abraham Monson isch e sefardische Rabbiner und Uniwersalgleerte im spöötere 16. Joorhundert gsi.

Lääbe und Wärk

Dr Monson isch e Schüeler vom Bezaleel Aschkenasi in Egüpte gsi. Wäge sim Wüsse und sinere Wiishäit häi em sini Zitgenosse Sinai weOḳer Harim gsäit, was öbbe Uniwersalgleerte und Intelligänzbestie bedütet. Er isch Rabbiner in Egüpte worde und isch en usgezäichnete Sofer Stam (hebräisch סופר סתם) gsi und het e hufe Torarolle gschriibe, wo immer no in Egüpte existiere. Spööter isch er denn uf Konstantinopel. Er het Response verfasst, won e groosse Däil von ene in d Responsesammlige vom Samuel vo Medina, Salomon ben Abraham Cohen, Abraham de Boton und Joseph di Trani ufgnoo worde si. Anderi Response, sini Nowellä, si Sammlig vo Deraschot und si Verdäidigung vom Haim ben Joseph Vital, eme Schüeler vom Isaak Luria, gegen e Menahem di Lonsano, wo im Vital si Kabbala kritisiert het, existiere no as Manuskript.

Dr Abraham Monson isch z Konstantinopel gstorbe.

Kwelle

• Dr Ardikel «Monzon, Abraham (the Elder)» in dr Jewish Encyclopedia vo 1906