D Peter Merian-Brugg
Koordinate: 47° 32′ 46″ N, 7° 35′ 38″ O; CH1903: 611681 / 266169
| Peter Merian-Brugg | ||
|---|---|---|
 | ||
| Brucht as | Individualvercheer | |
| Überfüerig über | D Iisebaangläis vo dr SBB | |
| Ort | Basel | |
| Fertig worde | 1901 | |
| Lage | ||
| ||
| Dialäkt: Baaseldütsch |
D Peter-Merian-Brugg isch e Brugg über d Gläis vo dr SBB vom Gundeli-Kwardier zum Dalbe-Kwardier in dr Stadt Baasel.
D Underfüerig
Wil s Gundeli vo de Iisebaangläis vo dr Innestadt abgschnitte gsi isch, het mä vo dr Postestell Baasel 2 us en Underfüerig baut. Dere häi d Lüt «Loch» gsäit oder au «Dunnell», au wenn s gegen oobe gar nid zue gsi isch. E Brobleem vo dere Underfüerig isch gsi, ass wenn s fest gräägnet het, mä nüm duure chönne het. Die Underfüerig isch üüberflüssig worde, wo mä 1901 öbben am gliiche Blatz d Peter-Merian-Brugg baut het, und nume no dr Iigangsdoorbooge isch übrig von ere. Dä het mä zuegmuurt und 1902 dr Kroonebrunne drvoor ufgstellt, wo früener emol an dr Schiffländi gstanden isch.[1]
D Brugg
D Brugg vo 1901 isch noo di noo für e Vercheer drüüber e chli chlii worde und vor allem lit si z dief für e modärn Zuugverkeer, wo unde duure sötti [2] und wil mä im Baanhoof no nöiji Gläis und Perron het welle, het mä e Nöibau afo blaane.[3]
Fuessnoote
- ↑ Tunnel an der Hochstrasse uf altbasel.ch, abgrüeft am 10.1.2013
- ↑ Die Peter-Merian-Brücke soll erhöht werden vom 20.5.2012 uf bzbasel.ch, abgrüeft am 10.1.2013
- ↑ OB 2.1 Raum Basel - Olten uf dr Website vom Bundesamt für Verkeer, abgrüeft am 10.1.2013
