Houeschtei-Yflete
| Hauenstein-Ifenthal | |
|---|---|
 | |
| Basisdate | |
| Staat: | Schwiiz |
| Kanton: | Soledurn (SO) |
| Bezirk: | Gösge |
| BFS-Nr.: | 2491 |
| Poschtleitzahl: | 4633 |
| Koordinate: | 632746 / 247683 |
| Höchi: | 675 m ü. M. |
| Flächi: | 5,30 km² |
| Iiwohner: | 313 (31. Dezämber 2022)[1] |
| Website: | www.hauenstein-ifenthal.ch |
 s Schuelhuus vo Houeschtei | |
| Charte | |
 | |
Houeschtei-Yflete (amtlich Hauenstein-Ifenthal) isch e Ywohnergmeind vom Bezirk Gösge im Kanton Soledurn.
Geografi
[ändere | Quälltäxt bearbeite]D Gmeind Houeschtei-Yflete bstoht us em Dorf Houeschtei, wo uf öpe 675 Meter über Meer uf ere Gländterrasse unter em Pass vom Undere Houeschtei lyt, und em Wyler Yflete uf öpe 700 m ü. M. über em Tau vom Grabebach am Südhang vom Yfleterbärg.
S Gmeindareal het 51 Prozänt landwirtschaftlichi Flächi, 43 Prozänt Waud und 6 Prozänt Sidligsflächi.[2]
D Nochbergmeinde vo Houeschtei-Yflete si Wyse, Trimbach, Wange, Rickebach und Hägedorf im Kanton Soledurn und Eptige und Löifelfinge im Kanton Baselland.
Über d Challhöchi goot e Näbestrooss uf Eptigen übere, und uf em Gmeindgebiet isch en Abschnidd vom Wääg über d Jurachööchine.
Under em Dorf dure isch s Ysebahndunäll vo dr Houeschteilinie.
Gschicht
[ändere | Quälltäxt bearbeite]Houeschtei isch zum erschte Mou in ere Urkunde vom Johr 1260 erwähnt aus Horwen; ane 1353 isch es Howenstein gschribe worde. Yflete isch ane 1189 aus Ifental und 1201 aus Yffental und 1225 aus Ifendal ufgfüert.
Dr Ortsname Houeschtei chunt drvo, ass me im Middelalter für d Passstrooss dure Chäppelifelse südlech vom Dorf Horwe e töife Yschnitt useghoue het. Öpis glychs het me wyter äne bi Langebrugg und Waldeburg gmacht, wo dr Pass vom Obere Houeschtei isch. (Lueg do drzue bi Haueschteipass)
Im Mittelalter het d Adelsfamilie vo der Herre vo Yflete i dr Region e rächti Bedütig gha.
Bevöukerig
[ändere | Quälltäxt bearbeite]Quälle: Bundesamt für Statistik 2005[3]
| Johr | 1850 | 1860 | 1870 | 1880 | 1888 | 1900 | 1910 | 1920 |
| Iiwohner | 446 | 427 | 386 | 344 | 344 | 295 | 308 | 354 |
| Johr | 1930 | 1941 | 1950 | 1960 | 1970 | 1980 | 1990 | 2000 |
| Iiwohner | 380 | 353 | 340 | 311 | 246 | 203 | 236 | 265 |
De Uusländeraateil isch 2010 bi 7,7 Prozänt gläge.[2]
Religion
[ändere | Quälltäxt bearbeite]23,8 Prozänt vo dr Ywooner si im Johr 2000 refermiert gsii, 59,2 Prozänt römisch-katolisch.[2]
Politik
[ändere | Quälltäxt bearbeite]Bi dr Nationalrootswaale 2011 hät s das Ergebnis gää:[2] BDP 3,5 %, CVP 29,3 %, EDU 0,0 %, EVP 1,2 %, FDP 14,5 %. GLP 7,0 %, Grüeni 8,9 %, SP 14,2 %, SVP 19,0 %, Suschtigi 2,3 %.
Wirtschaft
[ändere | Quälltäxt bearbeite]Houeschtei-Yflete isch es Bärgbuuredorf und es Stroosedorf am Houeschteipass, wo hüt au es bar Wohnkwartier bout worde sind. Früener hets e grosse Schteibruch gha.
Ufem Spittelbärg isch s Gäneral-Wille-Huus.
Sproch und Dialäkt
[ändere | Quälltäxt bearbeite]Bi dr Voukszählig 2000 hei vo dr 265 Iiwohner 98,5 Prozänt Dütsch aus Hauptsproch aagää und 1,5 Prozänt angeri Sproche.[2]
Dr hochalemannisch Dialäkt vo Houeschtei-Yflete ghört zu de Dialäkt vo dr Region Oute, wo ähnlech si zue dr Aargauer Dialäkt.
Biuder
[ändere | Quälltäxt bearbeite]-
d Yfleter Chiuche Sankt Katharina -
dr Wyler Wald -
dr Löie z Houeschtei
_128.JPG)
Literatur
[ändere | Quälltäxt bearbeite]- Hans Brunner: Hauenstein-Ifenthal. In: Historisches Lexikon vo dr Schwiiz.
Weblink
[ändere | Quälltäxt bearbeite]
Commons: Hauenstein-Ifenthal – Sammlig vo MultimediadateieFuessnote
[ändere | Quälltäxt bearbeite]- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ 2,0 2,1 2,2 2,3 2,4 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012
- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )
