Ir al contenido

Jorge Pueyo Sanz

De Biquipedia
Jorge Pueyo Sanz
Jorge Pueyo Sanz

Actualment en o cargo
Dende o 17 d'agosto de 2023
Naiximiento 31 d'octubre de 1995
Fonz, (Cinca Meya)
Partiu Chunta Aragonesista
Profesión Avogau y presentador de televisión
Alma Máter Universidat de Zaragoza

Jorge Pueyo Sanz (Fonz, Aragón, 31 d'octubre de 1995[1][2]) ye un avogau conoixiu por estar reportero d'o programa de televisión en luenga aragonesa Charrín charrán[3] y presentador d'o programa de televisión A escampar la boira.[4]. Tamién realiza en luenga aragonesa lo Noticiario matinal aragonés, una mena d'informativo de curta duración en Twitter.[5]

En lo politico ye miembro de Chunta Aragonesista an ye coordinador de Politica Lingüistica [6] y dende agosto de 2023 deputau por a provincia de Zaragoza en o Congreso d'os Deputaus.

Biografía

Jorge Pueyo naixió de Fonz, lugar de parla aragonesa d'a comarca d'a Cinca Meya. Estudió o Grau en Dreito en a Universidat de Zaragoza (2013-2017). Posteriorment cursó o máster en acceso a la advogacía y máster en dreito d'a empresa en a Universidat de Deusto ICADE-Deusto (2017-2019).

En 2019, dimpués de superar a preba d'acceso, obtenió o títol d'avogau y se colechió en o Colechio d'Avogaus de Zaragoza (REICAZ). Dende alavez ha estau exercendo como avogau. Ha treballau en firmas legals como Unive u Lawesome, concretament en a especialidat de Dreito mercantil.[7][8]

Activismo lingüistico

Mientres a suya nineza vivió situacions de desigualdat lingüistica, en as que os suyos mayestros menospreciaban a luenga aragonesa.[9] Istos feitos le facioron intresar-se por a divulgación de l'aragonés.[10]

Ha feito cuantos poemas en aragonés, en 2018 ganó chunto a Celia Naval o segundo premio "Condau de Ribagorza" en a categoría de relatos curtos por o suyo poema "Tierra muixada".[11]

O suyo prochecto en favor d'a divulgación de l'aragonés prencipió con una canal de YouTube, una mena de programa en aragonés que no triunfó. O 5 de mayo de 2019 s'engueró o programa Charrín Charrán, o primer programa en aragonés d'a televisión, presentau por Silvia Cebolla, a on participó como redactor y reportero.[10] Encara que o suyo salto a la fama arribó cuan en octubre de 2021 prencipió a publicar un noticiario maitinal de luns a chueves en aragonés por Twitter. En estar publicau en rez socials o suyo conteniu podió arribar a muita mas chent, o suyo primer video alcanzó as 30.000 visitas y fue compartiu por Ángel Martín.[12]

O 25 de mayo de 2022 s'engueró o programa A escampar la boira, un programa de meyanueit pa Aragón TV, a on s'entrevista a personalidaz relevants adintro y difuera d'Aragón en idioma aragonés.[13][14]

Trachectoria politica

O 12 de chunio de 2023 anunció en a suya cuenta de Twitter y d'Instagram, que sería o candidato numero uno d'a lista de Chunta Aragonesista y Sumar por Zaragoza en as eleccions chenerals d'o 23 de chulio.[15][16] Pueyo conseguiría acta de deputau en a XV Lechislatura y fue nombrau portavoz adchunto de Sumar.[17] Dende un prencipio se comprometió a usar a luenga aragonesa en as suyas intervencions plenarias.[18]

Obras

  • (es) El trato fiscal favorable como ayuda de Estado en el Derecho de la Competencia: El Caso Apple. Revista de derecho de la competencia y la distribución, ISSN 1888-3052, Nº. 21, 2017.

Referencias

  1. ↑ (es) Pueyo Sanz, Jorge. Congreso de los Diputados
  2. ↑ (es) Jorge Pueyo en ElDiario.es
  3. ↑ (es) Aragón TV estrena 'Charrín Charrán', su primer programa en lengua aragonesa en Arainfo
  4. ↑ (es) Aragón TV estrena el miércoles el primer 'late night' en aragonés en El Periódico de Aragón
  5. ↑ (es) El noticiario en aragonés de un joven de Fonz que ha conquistado a Ángel Martín en Heraldo de Aragón
  6. ↑ (es) Directorio institucional y organico 2020-2023 en Chunta aragonesista
  7. ↑ (es) ¿Quién es Jorge Pueyo, el 'Broncano aragonés'? Heraldo de Aragón
  8. ↑ (es) El foncense Jorge Pueyo encabezará la candidatura de Sumar Aragón al Congreso por Zaragoza. Revista digital del Somontano de Barbastro - Rondasomontano.com, 13 de chunio de 2023
  9. ↑ (ca) Jorge Pueyo: «S’ha fet un pas més perquè el món de l’aragonès isca de l’endogàmia». El Temps
  10. ↑ 10,0 10,1 (es) Jorge Pueyo: “La peña está súper movilizada por el aragonés”. Entremedios, 20 de mayo de 2021
  11. ↑ (es) Emilio Sarroca gana el concurso de relatos “Condau de Ribagorza”. José Sánchez. Cadena SER, 24 d'abril de 2018
  12. ↑ (es) Un noticiario en aragonés arrasa en las redes sociales. Rebeca Augusto @rebeca_pau. RTVE.es, 18 de noviembre de 2021
  13. ↑ (es) Aragón TV estrena el miércoles el primer 'late night' en aragonés. El Periódico de Aragón, 23 de mayo de 2022
  14. ↑ (es) Jorge Pueyo, director de 'Escampar la Boira' de Aragón TV: 'Ahora estoy con el síndrome del impostor, por miedo a que nadie nos vea'. Maribel Sancho. Diario de Teruel, 21 de marzo de 2023
  15. ↑ (an) Jorge Pueyo anuncia su candidatura para el 23J en Twitter. Twitter, 22 de chunio de 2023
  16. ↑ (an) Jorge Pueyo anuncia su candidatura para el 23J en Instagram. www.instagram.com, 22 de chunio de 2023
  17. ↑ (es) Vicenç Vidal (MÉS) será portavoz adjunto tercero de Sumar en el Congreso turnándose con Jorge Pueyo (Chunta). Europa Press, 4 de setiembre de 2023
  18. ↑ (es) Pueyo hablará en aragonés en el Congreso: “Por fin podemos expresarnos como en nuestras casas”. Raúl Gascón Tella. Aragón Digital, 15 de setiembre de 2023
Obteniu de "https://an.wikipedia.org/w/index.php?title=Jorge_Pueyo_Sanz&oldid=2214839"