Valons (prenda)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo tracta sobre os valons que son un tipo de pantalons. Pa atros usos se «valón», se veiga Valons (desambigación).

Os valons^[1] son una prenda de vestir d'a familia d'os pantalons caracterizaus por a suya largaria, que no pasa d'os primers centimetros por debaixo d'o chinullo, y a suya amplura, que los dota d'una aparencia bolsuda. Son emparentaus con as marinetas y con orichen, posiblement y a l'igual que ixas atras, en os zaragüelles d'os pueblos musulmans d'a mar Mediterrania.

Os valons fuen especialment populars entre o sieglo XV y principios d'o sieglo XX, con numerosas variants. A forma propia d'Aragón, que s'emplegó en os sieglos XVIII y sieglo XIX, en chunto con as marinetas que van debaixo, fa parte d'as garras en o vestiu aragonés.