عرض مصدر الصليبيين

[[ملف:Crusaders battle.jpg|left|thumb|300px|اتسبب الصليبيين فى قتل 6 مليون بنى ادم]]
'''الصليبيين''' ، حركه و جيوش اوروبيه مسيحيه لاتينيه ( كاتوليكيه ) هاجمت [[الشرق الاوسط|الشرق الأوسط]] من اواخر القرن الحداشر لغاية حوالى القرن الستاشر. اسس الحركه [[اوربان التانى]] بابا [[كنيسة الروم الكاتوليك|الكاتوليك]] اللاتين سنة [[1095]] و روج ليها قسسه و رهبان كاتوليك زى بيير الناسك ( [[بطرس الناسك]] ) بحجة تحرير الأراضى المقدسه فى [[فلسطين]] من [[الاسلام|المسلمين]] و محاربة [[سيكولاريه|العلمانيين]] و الخارجين عن الكنيسه اللاتينيه فى [[اوروبا]].

الصليبيين كانو لاتين تابعين للكنيسه الكاتوليكيه فى غرب [[اوروبا]] فى فترة [[عصور وسطانيه|العصور الوسطى]] بس ، و ما لهمش علاقه بالمسيحيين البيزنطيين ( اليونانيين ) او الشرقيين فى مصر و الشام و غيرهم اللى كان الصليبيين بيعتبروهم هما و[[سيكولاريه|العلمانيين]] الاوروبيين من ضمن اعدائهم.

الحركه الصليبيه كانت مزيج من الهوس الدينى و الخرافات الممزوجه بمطامع دنيويه و سياسيه.

فى الاصل ما كانش اسمهم صليبيين لكن فى العاده كانو بيتسمو حجاج. فى فترات لاحقه اتسمو صليبيين لإنهم كانو بيشيلو صلبان و بيحطو بادجات الصليب على هدومهم بعد تأدية قسم فى الكنايس كان اسمه " أخد الصليب ". باباوات الكنيسه الكاتوليكيه وعدوا المشاركين فى الحروب الصليبيه بالغفران وفى فتره معينه مع انتشار الفساد بقت بتتباع صكوك اسمها " [[صكوك الغفران]] ".

فى الشرق اتسمو " فرنج " او " فرنجه " من ناحيه لإن معظم الحملات الصليبيه كان بيطغى عليها الطابع ال[[فرنسا]]وى و من ناحيه تانيه لتميزهم عن المسيحيين الشرقيين اللى ما كانش ليهم دخل فى الموضوع و عانو مع المسلمين هما و اليهود.

من اشهر فرقهم [[فرسان المعبد]] و ال[[اسبتاريه]] و ال[[تيوتون]] الألمان .

اول ضحايا الصليبيين كانو يهود اوروبا اللى هاجم الصليبيين مجتمعاتهم فى [[فرنسا]] و [[المانيا]] و غيرها قبل ما يروحو الشرق و خيروهم بين القتل او إعتناق المسيحيه و اتقتلت منهم اعداد كبيره اكمنهم رفضو و فضلو الموت عن انهم يبقو مسيحيين. المدابح الفظيعه دى اتسمت الهولوكوست الأولانى و " [[مدابح اليهود فى الراين]] ". فى العاده اليهود كانو بيتعرضو لمدابح فى اوروبا على ايد المسيحيين قبل كل حمله صليبيه. [[مدبحة يورك]] اللى اتعملت فى 6 يوليه سنة 1189 بعد تتويج [[ريتشارد قلب الأسد]] ملك على [[انجلترا]] بتعتبر من المدابح المشهوره.

الحروب الصليبيه ماكانتش ضد المسلمين بس لكن كانت كمان ضد المعاديين للكنيسه الكاتوليكيه فى اوروبا اللى سمتهم الكنيسه الكاتوليكيه " مهرطقين ". حروب [[الاسترداد|حركة الاسترداد]] فى [[شبه الجزيره الايبيريه|ايبيريا]] بتعتبر كمان ضمن الحروب الصليبيه و اللى كانو بيشاركو فيها كان البابا بيديهم نفس ميزات الصليبيين اللى بيحاربوا فى الشرق.

اشتهر الصليبيين بالقسوه و العنف المخلوطين بالطمع المادى و [[تعصب دينى|الهوس الدينى]] و اتسببو فى مآسى كتيره و فى قتل حوالى 6 مليون شخص فى [[حروب صليبيه|الحروب]] و [[حملات صليبيه|الحملات]] اللى شنوها بإسم [[يسوع|المسيح]] و [[مسيحيه|الدين المسيحى]] و ده رقم ضخم جداً لإن الحروب دى كانت بتتحارب بمجرد سيوف و نبال.

انتهت حروبهم على الشرق بهزيمتهم على ايد [[مصر]] اللى اتحملت بجيوشها و اقتصادها العبء الاكبر و اتعرضت لحملتين ضخمين ، [[الحمله الصليبيه الخامسه]] و [[الحمله الصليبيه السابعه]] ، لكن كلفو الامبراطوريه البيزنطيه و مصر الكتير و اتسببو فى رده حضاريه و ثقافيه كبيره اذا اتاخد فى الإعتبار ان مصر كانت متقدمه ثقافى و عمرانى عن اوروبا لما ابتدت الحروب الصليبيه و لحد فى عصر نهضتها. و بالنسبه للبيزنطيين هاجم الصليبيين اراضيهم و استولوا عليها فى [[الحمله الصليبيه الرابعه]] و اسسوا [[الامبراطوريه اللاتينيه فى قسطنطينيه]] و اضعفوها لغاية ما الأتراك استولوا عليها.

== مصادر ==

* ([[انا كومنينا]]) Anna Komnene, The Alexiad, Penguins Books 2003
* ([[ستيفين رونسيمان]])Runciman, Steven, A history of the Crusades (3 parts). Penguin Books, 1987
* Solmon ben Simson, The Slaughter of the Jews, in The First Crusae, Edited by E.Peters,University of Pennsylvania Press, USA 1998

[[تصنيف:حروب صليبيه]]