ما بقدش بتدعم الإصدار اللي ممكن ينطبق و ممكن يكون فيه أخطاء التصوير. من فضلك حدث علامات البراوزر بتاعك و من فضلك استخدم وظيفة طباعة البراوزر الافتراضيه بدله.
شوقى ابراهيم عبد الكريم علّام (مواليد البحيره ، 1961 ) شيخ ازهرى و استاذ الفقه الإسلامى والشريعة بجامعة الازهر ، فرع طنطا و متخصص بالفقه المالكى. فى 11 فبراير كسب انخابات هيئة كبار علما الازهر لمنصب مفتى الديار المصرية و بكده يكون اول مفتى بعد تعديلات قانون الازهر فى سنة 2012.[1][2][3]
. حيستلم منصبه كمفتى مصر رسمى فى مارس 2013. فى اول تصريح له بعد ما كسب انتخابات المفتى قال انه مدرك الارتباك السياسى اللى بتمر به البلد ، و انه مش حيتكلم فى السياسه عشان هو راجل دين ، و المنصب اللى اترشح له منصب دينى مش سياسى.
الانتخاب
اللجنة المسئولة من هيئة كبار علما الازهر قدمت اسامى مرشحين للمنصب و اختاروا 3 اسامى منهم و بعدين بيتم الانتخاب السرى عليهم من اعضاء هيئة كبار علما الازهر و فى الاخر اللى بياخد اعلى الاصوات بيبقى هو المفتى و بيتحول اسمه لرئيس الجمهوريه للتصديق عليه و اعتماده للمنصب ، حسب قانون الازهر. اهم المنافسين للشيخ شوقى ابراهيم عبد الكريم على منصب مفتى مصر ، كانو الدكتور سعد الدين الهلالى و الدكتور عبد الرحمن البر، عضو مكتب الإرشاد فى جماعة الاخوان المسلمين و المعروف ب"مفتى الاخوان" ، بس موصلش لتلات اسامى الاخيره اللى هيئة كبار العلما بتنتخب منهم. المفتى السابق على جمعة كان المسؤل عن فرز اوراق الانخاب.
المؤهلات
الدكتوراه سنة 1996 من كلية الشريعة والقانون بجامعة الازهر
ليسانس شريعة بكلية الشريعة والقانون بتقدير جيد جدا مع مرتبة الشرف.
