Adelante Andalucía
| Adelante Andalucía | |
|---|---|
 | |
| Presidente | Teresa Rodríguez |
| Fundación | 7 de xunu de 2018 |
| Estáu |
 España |
| Ideoloxía política | feminismu, socialismu democráticu, andalucismu políticu, Progresismu y Nacionalismu andaluz |
| Posición nel espectru | izquierda |
| Páxina web | adelanteandalucia.org |
 | |
Adelantre Andalucía ye'l nome de la coalición creada en 2018 por dellos partíos d'izquierdes, comunistes, feministes y andalucistes de cara a les eleiciones al Parllamentu d'Andalucía de 2018. La coalición ye una suma de distintes entidaes y partíos, como Podemos Andalucía, Izquierda Xunida Los Verdes-Convocatoria por Andalucía, y los partíos andalucistes Izquierda Andalucista y Primavera Andaluza.[1] Estos postreros, surdíos arriendes de la desintegración del Partíu Andalucista.
Historia
[editar | editar la fonte]Yá en 2017, tanto Podemos Andalucía como Izquierda Xunida Los Verdes-Convocatoria por Andalucía entamaron a trabayar nuna fueya de ruta común nel Parllamentu d'Andalucía. Dicha fueya de ruta consistía en facer una oposición frontera al PSOE d'Andalucía y a la presidenta de la Xunta d'Andalucía, Susana Díaz. La coalición entamó a cobrar forma en marzu y abril del 2018, nel marcu d'unes conversaciones p'allegar a los siguientes comicios de manera conxunta. A estes conversación se xunieron los ecoloxistes d'Equo, y dellos partíos de corte nacionalista andaluz, como Primavera Andaluza ya Izquierda Andalucista. La presentación oficial de la coalición foi en xunu de 2018, celebrando asina'l so primer actu na ciudá de Córdoba.
Organización
[editar | editar la fonte]Mientres el mes de setiembre de 2018, la coalición dio a conocer la manera na que se conformaríen les llistes p'allegar a les eleiciones. Teresa Rodríguez foi finalmente escoyida pa representar a la provincia de Málaga, ocupando'l primer puestu na llista. Mentanto, Antonio Maíllo, coordinador xeneral d'IULV-CA, taría nel primer llugar na candidatura por Sevilla.
Resultaos eleutorales
[editar | editar la fonte]- Eleiciones autonómiques d'Andalucía
| Comicios | Cabeza de llista | Númberu de votos | % de votos |
Diputaos | Notes |
|---|---|---|---|---|---|
| 2018 | Teresa Rodríguez | 584 040 | 16,18% | 17/109 |
Referencies
[editar | editar la fonte]- ↑ «Constitución de coalición eleutoral». Xunta Eleutoral d'Andalucía (16 d'ochobre de 2018).
Enllaces esternos
[editar | editar la fonte]| Control d'autoridaes |
|
|---|
Datos: Q55392186
Multimedia: Adelante Andalucía