Bandera de la República Centroafricana
La bandera de la República Centroafricana foi adoutada'l 1 d'avientu de 1958. Foi diseñada por Barthélemy Boganda, el primer presidente del territoriu autónomu d'Oubangui-Chari, qu'albidraba que "Francia y África han caleyar xuntes". Asina combinó'l color roxu, blanco, azul de la tricolor francesa y los colores panafricanos: roxu, verde y mariellu. El color roxu simboliza'l sangre del pueblu centroafricanu, el sangre que foi arramada pa da-y la independencia, y el sangre qu'arramaron pa defender al so país. El color azul representa'l cielu y la llibertá. El color blanco representa la paz, y la dignidá. El color verde representa la esperanza, y la fe. El color mariellu representa la tolerancia.