Waikiki
 Waikiki | |
|---|---|
-L1004709.jpg) | |
| Alministración | |
| País |  Estaos Xuníos |
| Estaos |  Ḥawai |
| Condáu | condáu de Honolulu |
| Capital | Honolulu |
| Tipu d'entidá | barriu |
| Códigu postal |
96815 |
| Xeografía | |
| Coordenaes | 21°16′36″N 157°49′43″W / 21.2767°N 157.8286°O |
  Waikiki Waikiki (Ḥawai) | |
| Superficie | 8.8 km² |
| Más información | |
| Estaya horaria | tiempu de Ḥawai-Aleutianu |
 | |
Waikiki (en ḥawaianu Waikīkī), ye un barriu de Honolulu. Les famoses sableres creaes pola mano del home y los sos hoteles son mundialmente reconocíos. Waikiki pertenez a la ciudá y al condáu de Honolulu na islla d'Oʻahu, nel estáu de Ḥawai.
El significáu del nome ye remexos d'agua na llingua Ḥawaiana. Esti nome provién de la dómina anterior a la colonización, na qu'esistíen numberosos regueros, estanques y víes d'agua que dixebraben Waikiki del restu de la islla. La mayoría d'ellos fueron drenados con posterioridá. La erosión costera estropió les sos sableres quedando de les mesmes pequeñes porciones escontra l'oeste y escontra la zona del Diamond Head.
Nesti famosu barriu concéntrase'l 90% de los hoteles de la capital, onde pueden atopase complexos con una amplia gama de gastronomíes a tolos niveles y de un importante catálogu internacional. Amás, ufierta una activa vida nocherniega. Unu de los principales reclamos turísticos ye la sablera de Waikiki, d'agües cristalines, arena blanca, cocoteros y surfistas tol añu. Ésta sablera nun ye una de les preferíes polos surfistas, una y bones les foles escasamente algamen gran altor. Los surfistas esperimentaos escueyen sableres como North Shore con foles más altes.[1]
A lo llargo de los sos dos aveníes principales Kalākaua y Kūhiō dispónense la mayoría de los edificios públicos, hoteles y comercios. Ente que el sector que bordia la canal Alawai ye mayormente residencial. Waikiki ye práuticamente una península llindada per una parte pel océanu y les sos sableres y la otra la canal descrita.
Nel so estremu oriental alcuéntrase'l Kapiʻolani Park, primer parque públicu ḥawaianu, qu'amás de zoolóxicu y acuariu cunta con zones de recréu, escenarios al campu, árees deportives y ambiente festivo.
Referencies
[editar | editar la fonte]- ↑ «Honolulu: la playa de Waikiki». Archiváu dende l'orixinal, el 2016-05-04. Consultáu'l 12 de 14 de 2007.
Enllaces esternos
[editar | editar la fonte]- Waikiki - Wikipedia Guía de viaxe
