Investigación

Investigación
	industria (es)
	investigación (es) , actividá, procesu y education and research (en)

Una investigación ye un procesu, analíticu, sistemáticu, organizáu y oxetivu, que'l so envís ye'l de responder a una cuestión o hipótesis y asina enantar el conocimientu y la información sobre cierta cosa desconocía que se nagua conocer meyor.

Carauterístiques

Una investigación carauterízase por ser un procesu:

Sistemáticu: A partir de la formulación d'una hipótesis u oxetivu de trabayu, recuéyense unos datos según ogense unos datos según un plan preestablecíu que, una vegada analizaos ya interpretaos, modificarán o amestarán nuevos conocimientos nuevos a los ya esistentes, entamándose entós un nuevu ciclu d'investigación. La sistemática emplegada nuna investigación ye la del métodu científicu.
Organizáu: Tolos miembros d'un equipu d'investigación tienen de conocer el que tienen de facer durante tol estudiu, aplicar les mesmes definiciones ya criterios a tolos participantes y actuando de forma idéntica ente de cualesquier dubia. Pa algamalo, ye imprescindible d'escribir un protocolu d'investigación au s'especifiquen tolos detáis en rellación col estudiu.
Oxetivu: Les conclusiones obteníes del estudiu nun tienen de sofitase n'impresiones suxetives, sinón en fechos adicaos y midíos, y que na so interpretación evítense cualesquier prexuiciu que los responsables del estudiu pudieren tener.

Actividaes

Les actividaes fundamentales d'una investigación son:

Midir los fenómenos.
Comparar los resultaos algamaos.
Interpretar los resultaos en función de los conocimientos actuales, considerando les variables que foren dable qu'influyeren sobro'l resultáu.

Menes d'investigación

Investigación básica. Tamién denomada investigación fundamental o investigación pura. Namái se pue prauticar nos laboratorios.
Investigación aplicada. Ye l'aplicación de los conocimientos na práutica, pa aplicalos, na mayoría de los casos, en provechu de la sociedá. Un exemplu son los protocolos d'investigación clínico.

Enllaces ente disciplines

Tiénense descrito desemeyaes menes d'investigación ente disciplines, con una terminoloxía específico:

Multidisciplinariedá: nesti nivel d'investigación la evaluación faise dende desemeyaos ángulos, usando diferentes perspeutives disciplinaries ensin aportar a la integración.
Interdisciplinariedá: esti nivel d'investigación refierse a la creación d'una identidá metodolóxica, teórica y conceutual, de tal miente que los resultaos seyan más coherentes ya integraos.
Transdisciplinariedá: va más allá que les precedentes y refierse al procesu cola converxencia ente disciplines, acompañáu por una integración mutua de les epistemoloxíes disciplinares (Teoría de les Ciencies Humanes).

Referencies

Enllaces esternos