Asediu de Rodes

Asediu de Rodes
	Parte de Guerres otomanes n'Europa
Fecha	26 xunu 1522 → 22 avientu 1522
Llugar	Rodes
Coordenaes	36°10′00″N 28°00′00″E / 36.16667°N 28°E
Resultáu	Victoria cuasimente pírrica Otomana
Belixerantes
Imperiu Otomanu	Caballeros de Rodes
Comandantes
Solimán el Magníficu Mustafá Bajá Kurtoğlu Muslihiddin Reis	Philippe Villiers de l'Isle-Adam
Fuercies en combate
Al rodiu de 60.000 homes, incluyíos unos pocos miles de Xenízaros	2.000 caballeros de San Xuan y al rodiu de 4.500 soldados y caballeros Griegos.
Baxes
Desconocíes pero abondes	Cásique tola guarnición
	[editar datos en Wikidata]

L'asediu de Rodes foi una batalla acontecida nel añu 1522 ente los caballeros de San Xuan, que llueu seríen nomaos Caballeros de Malta, dempués de la so derrota y fuxida pa esta islla, y les tropes turques de Solimán el Magníficu, na qu'esti caberu intentaría tomala per aciu d'un cruel asaltu. Magar qu'hebo dellos asedios a esta ciudá polos turcos, nos que tentaren acutala pola fuercia, dende 1400, siendo destacáu l'intentu de 1480, esti de 1522 sería l'únicu que rompería la defensa cristiana.

Antecedentes

Los Caballeros y Rodes

Los Caballeros de San Xuan foron creaos pol Papa Pascual III en 1113 y tuvieron na islla de Rodes dende 1309, tres del abandonu de San Xuan d'Acre tres la perda de los sos territorios en Tierra Santa dempués de les cruzaes en 1291 y una breve estancia sero en Xipre. Esta islla foi conquistada a los bizantinos. Procedíen de toles partes de la cristiandá y taben organizaos en llingües, según la procedencia de los caballeros, asina, había un reximientu por cada llingua, y caúna tenía camentada unes xeres diverses y calteníen una propia identidá na orde, como si foren subórdenes.

L'oxetivu básicu de la orde yera protexer a los pelegrinos que diben de camín pa Xerusalén. Por embargu, dende l'asitiamientu en Rodes esta tarea dexenerare nel corsu escontra les costes y navíos turcos ya infieles en xeneral. Teníen carraques abondo artillaes pa la dómina, con falconetes y lombardes, lo que-yos permitía algamar una bona ayalga nos sos ataques, asina como facese col preciáu granu del que yeren importadores. Esto foi a la llarga una arma de doble filu, yá qu'atrayeron l'atención de los turcos, que yá nel sieglu XIV la nomaben "La Fortaleza de los Perros Malditos".

Primeros Enviones

Nos entamos del sieglu XIV yá hebo dellos enviones d'ocupar la islla, magar que les sos fortificaciones y la enraizada defensa de los caballeros lo evitaron, pero foi dempués de la toma de Constantinopla en 1453 cuando los turcos güeyaríen realmente a Rodes como oxetivu principal, yá que víen nella un desafíu relixosu, al tar tan cerca del so territoriu central, y una humildación polos sos actos de corsu. Rodes sería agora l'oxetivu de la espansión imperial turca.

L'asediu de 1480 y les sos consecuencies

En 1480 el primer envión algamó la islla col envís de tomala de les manes del sultán Mehmed II, que llanzó un ataque masivu sobro la islla, toa ella cayó menos la propia ciudá de Rodes y delles fortaleces nel interior y la costa, magar que tres dos meses d'asediu nos qu'hebo dalgunos asaltos y munches baxes, les sos tropes tuvieron que retirase. Esti avisu foi escucháu polos Caballeros, que fortificaron la islla, remodelaron la muralla de la ciudá de Rodes colos últimos avances téunicos más avanzaos de la dómina y reforzaron el so sistema defensivu, incluía la denomada "traza italiana", estructura enforma meyor que la de les antigües fortaleces medievales. Estes defenses nun taben destinaes sólo a la defensa pasiva, sinón que teníen orientación a la defensa activa, ye decir, a los contraataques una vegada que les tropes turques aniciaren l'ataque. Sabíen qu'un segundu ataque yera inminente, y esti produciríase nel añu 1522...

Los Contendientes

Los Turcos

L'exercitu turcu iguábase de 300 navíos y decenes de miles de soldaos, incluyíos los Xenízaros, la so fidelidá al sultán yera perforte, llevaben armamentu modernu, cullebrines,Falconetes,cañones de llargu algame, sistemes de mines soterránees... magar Solimán yera aínda xoven(nun tuviera nin 2 años nel tronu, polo que faltába-y esperiencia, esta compensábase cola del Visir Mustafá Bajá.

Los Caballeros

Como se dixera, los cabelleros cuntaben con una de les fortaleces más fuertes del mundu, Rodes, qu'arriendes taba sofitada pelos caberos adelantos teunolóxicos del mundu, incluyía la traza italiana, cuntaben aínda con una flota de varies decenes de barcos, magar estos nun s'usaríen y taríen nel puertu la ciudá tol asediu por mieu a perdelos. La ciudá tenía 9 bastiones, ún por cada Llingua de la Orden (Auvernia, Alemaña, Castiella, Portugal, Aragón, Inglaterra, Francia,Italia y Provenza) y caúna sería defendía por una d'estes, cada una tenía ente 100 y 200 caballeros, y en total la orde tenía unos 2.000 caballeros perfectamente apareyaos, motivaos y atrincheraos, allevantaos por Philippe Villiers de l'Isle-Adam, gran maestre de la Orden.

Arriendes de los caballeros, había una milicia Urbana y dalgunos Nobles de la islla que nun taben na orde, pero que llucharíen del so llau, poro'l númberu de defensores sería averáu a los 10.000. Esperaben alendefetu, ayuda veneciana enforma.

Entamos

Xenízaros armaos con Mosquetes disparando a los defensores Cristianos, tomáu d'un manuscritu Otomanu.

L'Asediu de Rodes entamó con un intensu bombardéu Turcu, el 28 de Xunetu, pero les defenses de la ciudá resultaron Inespugnables, nun solo resistíen, si non que tamién castigaben colos sos cañones les llinies turques, cola ayuda de Gabriel Martiniego, los Caballeros ficieren grandes baxes a estos.

Los Zapadores turcos algamaron pordecir el muru de traza italiana p'asitiar ellí mines, pero los cristianos habíen (por Idea de Martiniego) fechu un sistema de tambores pol que, énte la mínima vibración de los zapadores, soltábase l'alarma y detectábenlos, asina, nun foi fasta'l 4 de setiembre que los turcos los asitiaren y finaren la preparación. Dos grandes mines volaron baxo'l Bastión d'Inglaterra, faciendo un furacu nel muru de más de 10 metros, y pa más dificultá, los escombros terriaron el fosu, pelo qu'agora había vía llibre hasta la ciudá. Nesi mesmu día, los turcos tomaron el Bastión, pero un rápidu y audaz contrataque esallugólos. Dos ataques más produxéronse esi día polos turcos, ensin ésitu. Agora la brecha sería defendida por soldaos ingleses y alemanes treslladaos dende'l so bastión.

El 24 de setiembre créase un nuevo ataque turcu masivu sobro les bastiones d'España, Inglaterra, Provenza e Italia.La llucha foi dende l'alborada a la nueche, y el bastión d'España camudó dos vegaes de manes. Al final, Soliman ordenó retirada, y taba tan furiosu que mandó executar al Xeneral Mustafá Bajá, anque llueu arrepintióse y revocó esta condena.

Cambéu d'estratexa

N'ochobre socediéronse asaltos xeneralizaos a tolos bastiones ensin ésitu, hasta que los Otomanos decidieron camudar la so estratexa, agora derrengaríen a los sitiaos hasta que se rindieren por fame o por cansanciu, pues taben cercaos y el tiempu diba escontra d'ellos.

N'avientu, Solimán entamó una campaña d'esmoralización, xunida a qu'entamaba la fame, ficieron cuidar a los defensores(sobro too a los Griegos que nun yeren caballeros) que si se rindíen tendríen llibertá pa fuxir de la islla, y que si decidíen quedase podríen conservar la so relixón. Esto fizo qu'entamaren deserciones ente los griegos principalmente, y que la moral (ya escalzada pola falta de víveres y munición) baxara enforma. El cutu d'Inviernu tamién facía'l so efeutu, d'Europa llegaben noticies de que l'ayuda veneciana prometida nun yera verdá y que nun diba llegar a tiempo si lo yera, too taba escontra, y tolos refuerzos que recibieren foron un barcu de Creta con 300 soldaos (toos ellos voluntarios) venecianos, esta yera l'ayuda prometida.Foi contraproducente, porque los otomanos cuidaron que yera l'entamu d'una ayuda más grande cristiana, asina que atacaron con toles sos armes y homes, morrieron miles d'estos, y anque nun cayó la ciudá, yá cuasimente nun quedaben soldaos pa defendela.

Últimos Enviones

Bombarda xigante de los caballeros de Rodes,usada na so defensa, ye la bombarda más grande enxamás atopada, el so descubridor foi Pierre d'Aubusson y usóse pa la defensa en cortu alcance, 100-200 metros, llanzando piedres de 260 kgs de granitu,pesaba 3.335 kilos.Musée de l'Armée

L'11 d'avientu, alcordóse una tregua pa negociar la rendición, pero énte les exixencies de los Cristianos Solimán reentamó los ataques, el 17 d'avientu, el Bastión d'España cayó otra vegada, y la suerte taba echada pa la ciudá, nun había tropes pa recuperalo, nin víveres nin munición, y magar tentóse por tres díes, ensin esti bastión, el restu quedaben comprometíos y nun había un res ente la ciudá y los turcos, tres trés díes d'intentos de recuperalu, El Gran Maestre solicita otra Tregua, el 20 d'avientu.

Paz

Solimán, énte les baxes y temerosu quiciabes de que los otros 6 bastiones resistieren hasta la fin, magar de tar aisllaos unos d'otros y de que la ciudá yá cayere(pues los bastiones taben en círculu protexendo la ciudá, y con qu'unu decapallenare podíase entrar nella)y tamién almiráu pola defensa, concedió-yos condiciones perbonas a los defensores.En pallabres l'Emperador Carlos V Nada nel mundu perdióse tan bien como Rodes

Los Cristianos pudieron dise de la islla en 12 díes, coles sos armes, bienes y símbolos relixosos, los que quixeren quedase podríen conservar la so relixón y tendríen esceición fiscal de 5 años y dala Ilesia sería camudada en Mezquita.

El 1 de Xineru los Caballeros de San Xuan abandonaron la islla definitivamente.

Consecuencies

L'Imperiu Otomanu anexonóse Rodes, y los caballeros colaron p'hacia Malta, que sería cedida pol Emperador Carlos V.Les demás fortaleces de la islla, al ver que Rodes caía, rindiéronse de siguío, asina Kos, San Pedru y Llindos, les principales posiciones de la orde qu'aínda quedaben na islla rindiéronse nos mesmos términos. Rodes sería Otomana hasta 1912 y nesi tiempu reformaríen la ciudá y obligaríen a la población a treslladase a suburbios pa facer una fortaleza aínda más poderosa que l'anterior. Esta Fortaleza sería una de les bases del poder turcu nel mar hasta 1571 cola batalla de Lepanto.

Referencies

Enllaces esternos

Wikimedia Commons tien conteníu multimedia tocante a Asediu de Rodes.