Ilesia de Santa María de Mian
| Ilesia de Santa María de Mian | |
|---|---|
| ilesia | |
 | |
| Llocalización | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Amieva |
| Coordenaes | 43°15′52″N 5°07′25″W / 43.26447°N 5.123675°O |
  Ilesia de Santa María de Mian Ilesia de Santa María de Mian (Asturies) | |
| Historia y usu | |
| Orixe del nome | María |
 | |
La ilesia de Santa María de Mián ta asitiada a un quilómetru de la llocalidá asturiana de Sames nel conceyu d'Amieva.
La ilesia construyóse sobre un tarrén que yá yera oxeto de cultu polos primitivos pobladores de la zona pos ellí yá esistía un dolmen, güei desapaecíu. Aprovechando esta circunstancia y el cultu nesti llugar irguióse una ilesia col envís de cristianizar a los habitantes de la zona.
La ilesia ye l'edificiu relixosu más antiguu de tol conceyu, pos yá apaez nel documentu que ficiera Ramiru II con motivu de la donación d'estrames ilesies del reinu a la ilesia d'Uviéu.
El templu actual, que s'irgue sobre la traza d'otru templu anterior prerrománicu, sigue les pautes del arte románicu siendo construyida ente los sieglos XIII y XIV.
La ilesia tal como la conocemos anguaño carez de munchos de los elementos primitivos del templu por mor d'una quema asocedía a lo cabero del sieglu XIX. De la dómina románica conservase'l llienzu, el cabeceru y los canecinos baxo l'aleru.
Referencies
[editar | editar la fonte]Enllaces esternos
[editar | editar la fonte]
Wikimedia Commons tien conteníu multimedia tocante a Ilesia de Santa María de Mian.
| Control d'autoridaes |
|
|---|
Datos: Q5991977