Meena Keshwar Kamal

Meena Keshwar Kamal

1956-1987

Afganafa ayikyevikya

Meena Keshwar Kamal ( kobliyisa ba 26/02/1956 koe Kabul koe Afgana az adjubeyena ba 04/02/1987 koe Quetta koe Pakistana tiyir afganaf suterotik is sayudasik is ayikyevik.

Bak 1977 koe Kabul va Artowasa Gesia ke Ayikyeem ke Afgana ( englavon RAWA : Revolutionary Association of the Women of Afghanistan ) zabduyur. RAWA tir grustaks dem afganafa ayikya lyumasa mu ayarokeem is seltafa malyuca koe Afgana is ewafa nuyuca mu ayikyeem amlitasin koe vo.

Blirizva

Redura va RAWA grustaks

Bak 1977, tisa tol-san-tandafa, Meena Keshawar Kamal va kotla jovler aze va grustara is gaara va ayikya ektudar. Va Artowasa Gesia ke Ayikyeem ke Afgana ( englavon RAWA : Revolutionary Association of the Women of Afghanistan ) batenide zabdur ise gader. ^[1] Bak 1979 va tawuk kev afganafe bowere zobene gan TSSS kabudar.

Payam e-Zan is Watan bema

Bak 1981 Meena Keshwar Kamal va Payam e-Zan ( Staksa ke ayikya ) tolavafa virda toz sanegayar, i va virda abduaskisa va neya ke afganaf ayikyeem is dure rankesa va gomilafa tuwava ke yon rigotevaf seltom. ^[2] Fela kan toloya ava ke Afgana ( Pashto ava is Dari ava ) zo sanegayar. Kire artowasa, va meka fukorlara ke meboweref grustaks kazawayar. ^[3]

Meena Keshwar Kamal va yona Watan bema mu gelbes rumeik is tanoye ropexe is yona yambudafa onya mu ayikya gelbesa ko Pakistana dere reduyur. ^[4]

Adjubera

Nope intyona sayudasa tegira isu askira kev bowere is alkaf igotevikeem, Meena Keshwar Kamal jontikviele gu xonuka zo dratcer. Areldon ba 04/02/1987 koe intafa mona ke Quetta koe Pakistana zo adjuber. ^[4] Abdiyen dirgasik va adjubera tid afgan askisik ke KHAD grustaks ok rigotevik ke Hezb-e-Islami Gulbuddin seltom gaden gan Gulbuddin Hekmatyar islamevaf eaftevik. ^[5]^[6] Do toloy ar korik zo adjuber.

Bak 2002, toloye afganikye sopeyene koe Pakistana nope remburera va divroidaxa movud da tiyid bewik ke KHAD is blodik va adjubera. Gu vrayara zo lanzad aze restali bak 2008 tere di zo skur. ^[7]

Moi xonukera ke intaf okilik, ar bewik ke RAWA va lyumara birgoton di zo dakid. ^[1]

Yasege

Meena Keshwar Kamal, san-lerddaf, va int do Faiz Ahmad okilik ke Afghanistan Liberation Organization grustaks bak 1976 kurer. ^[8] Bantan weti tanda abdi kurenikya gan bewik ke Hezb-e-Islami Gulbuddin seltom dere zo adjubeyer. Sin va baroy nazbeik malnazbayad.

Vuestexa

↑ ^1,0 et ^1,1 (en) Insecure at Last: Losing It in Our Security-Obsessed World, bu 30
↑ (en) Nine Lives: Making the Impossible Possible, bu 104
↑ (en) Historical Dictionary of Afghanistan, bu 368
↑ ^4,0 et ^4,1 en) In Custody: Law, Impunity and Prisoner Abuse in South Asia
↑ (en) Feminist Writings from Ancient Times to the Modern World
↑ (en) The Women of Afghanistan Under the Taliban
↑ (en) Afghan activist's killers hanged
↑ (en) Veiled Courage: Inside the Afghan Women's Resistance, bu 17

(en) Melody Ermachild Chavis, Meena : Heroine Of Afghanistan, Random House, 2011, 288 p. (ISBN 978-1-4464-8846-1)

Meena Keshwar Kamal

Koblira

26/02/1956,
Kabul, Afgana

Awalkera

04/02/1987,
Quetta, Pakistana

Vedeyot

Afgana

Tegira

Felusik is sayudasik

Bifa

Ayikyevaf rokeem

Tuveli icde Izvopa

[ref1-1] 1,0 et ^1,1 (en) Insecure at Last: Losing It in Our Security-Obsessed World, bu 30

[ref3-2] (en) Nine Lives: Making the Impossible Possible, bu 104

[3] (en) Historical Dictionary of Afghanistan, bu 368

[ref2-4] 4,0 et ^4,1 en) In Custody: Law, Impunity and Prisoner Abuse in South Asia

[5] (en) Feminist Writings from Ancient Times to the Modern World

[6] (en) The Women of Afghanistan Under the Taliban

[7] (en) Afghan activist's killers hanged

[8] (en) Veiled Courage: Inside the Afghan Women's Resistance, bu 17

[1]

[2]

[3]

[4]

[5]

[6]

[7]

[8]

t · p · b Izvaf awalkexik
Awalkexik xonukeyes nope rieta ik nuyuca ik lyumara va torkeva
Teyvikeara	Mohamed Bouazizi • Nhất Chi Mai • Homa Darabi • Mazlum Doğan • Kóstas Georgákis • Oleksa Hirnyk • Romas Kalanta • Vasil Makux • Jan Palach • Evžen Plocek • Thích Quảng Đức • Sopa Rinpoché • Ryszard Siwiec • Irina Slavina • Jeon Tae-il • Jan Zajic	Teyvikeara va Jan Hus
Aelxonukera	Bobby Sands •
Ayikyeva	Jina Mahsa Amini • Katia Bengana • Meena Keshwar Kamal • Konca Kuriş