Yəhya Kərimov

Yəhya Kərimov
Yəhya Şəfi oğlu Kərimov
Doğum tarixi	1927
Doğum yeri	İlisu,Qax SSRİ
Vəfat tarixi	13 avqust 2021
Dəfn yeri	Qax
Vətəndaşlığı	Azərbaycan
Elm sahəsi	Pedaqogika
Elmi adı	professor
İş yerləri	Təhsil Problemləri İnstitutu direktorunun elmi tədqiqat bölümü üzrə müavin,"İbtidai məktəb və məktəbəqədər tərbiyə" jurnalının redaktoru
Mükafatları

Yəhya Şəfi oğlu Kərimov — pedaqoji elmləri doktoru, professor. Beynəlxalq Pedaqogika Akademiyasının həqiqi üzvü

Həyatı

Yəhya Kərimov 1927-ci ildə, Qax rayonun İlisu kəndində anadan olmuşdur. Qax orta məktəbini bitirərək Şəki Pedaqoji Texnikumuna daxil olmuş və bitirdikdən sonra Qaxda pioner baş dəstə rəhbəri və müəllim işləmişdir. 1950-ci ildə Azərbaycan Dövlət Pedaqoji İnistitutunu bitirmişdir.

Elmi fəaliyyəti

1955-ci ildənElmi Pedaqoji İnistitunun aspiranturasında təhsil almış, 1958-ci ildən həmin inistitutda kiçik elmi işçi,1961-ci ildən şöbə müdiri işləmişdir.1962-ci ildə namizədlik, 1975-ci ildə doktorluq dissertasiyası müdafiə etmişdir. 1976-cı ildən Elmi-Tədqiqat Pedaqoji Elmlər İnistitutunda elmi işlər üzrə direktor müavini, hazırda Təhsil Problemləri İnstitutu direktorunun elmi tədqiqat bölümü üzrə müavindir. Uzun illər Elmi-Tədqiqat Pedaqoji Elmlər institutunun müdafiə şurasının sədr müavini və sədri işləmişdir.40-dan artıq elmlər namizədi,3 elmlər doktoru yetişdirmişdir.

Əsas elmi naliyyətləri

Yəhya Kərimov yüzlərcə əsərin,o cümlədən "Savad təlimi", "İbtidai siniflərdə inşalar", "Altıyaşlıların məktəbə hazırlanmasının nəzəri və praktiki problemləri","Əlifba dərsliyinin tətbiqi prinsipləri", "Uşaq məktəbə gedir", "Ana dilinin tədrisi metodikası" və s. monoqrafiyaların müəllifidir.

1959-cu ildən indiyədək ibtidai siniflər üçün ana dili proqramlarının tərtibçisi,bütün proqramların redaktorudur. 1963-cü ildən "Əlifba" dərsliyinin müəllifidir. Hazırda onun tərtib etdiyi 6 dərslik və 5 dərs vəsaitindən istifadə olunur.

1970-ci ildən "İbtidai məktəb və məktəbəqədər tərbiyə" jurnalının redaktorudur.

Təltif və mükafatlar

• "Şöhrət ordeni" (26 dekabr 2006)
• "Qabaqcıl maarif xadimi".
• "SSRİ maarif əlaçısı".
• "Azərbaycanın Əməkdar Müəllimi"

Həmçinin bax

1. http://edu.gov.az/view.php?lang=az&menu=9&id=254
2. http://yayim.org/?p=913 Arxivləşdirilib 2013-12-08 at the Wayback Machine
3. http://yayim.org/?p=2417 Arxivləşdirilib 2013-12-08 at the Wayback Machine

Mənbə

• "Qiymətli xəzinə sahibi". Fərrux Rüstəmov. Pedaqoji oçerklər: Sələflərim və müasirlərim. Bakı: Elm və təhsil, 2010. - səh. 165.
• "70 yaşın işığında...". Vidadi Xəlilov. Ömür yollarında. Bakı: Nərgiz, 2012. - səh. 53.