Бызынғы (боҙлоҡ)

Бызынғы
Тау һырты	Оло Кавказ
Дәүләт	Рәсәй

Бызынғы боҙлоғо (ҡарас.-балҡ. Уллу чыран — «Ҙур боҙлоҡ»; рус. Безенги (ледник)) — Кавказдың таулы Бызынғы төбәгендәге боҙлоҡ. Кавказдың ҡатмарлы үҙән боҙлоҡтарының иң ҙуры. Ҡабарҙы-Балҡар Республикаһында урынлашҡан.

Дөйөм мәғлүмәт

Бызынғы боҙлоғо төбәге Кавказдың иң матур урындарының береһе булып тора. Альпинистарҙың күтәрелеү шарттары буйынса был Кавказдың иң ҡырыҫ районы. Бында альпинистар араһында популяр башҡа тарлауыҡтар менән сағыштырғанда ҡар, боҙло яуым-төшөм иң аҙы.

Бызынғы боҙлоғо һәм уны уратып алған һырттар төбәгендә Кавказ биш меңлектәренең күп өлөшө тупланған. Төп Кавказ Һыртында был Шхара—Джангитау—Ҡатынтау массивы, һуңғыһы 5000 метр билдәһенән бер аҙ түбән. Һырттың был участкаһы төньяҡҡа «Бызынғы диуары» исеме алған текә битләүҙәр менән өҙөлә.

Бызынғы боҙлоғо Бызынғы диуарын икенсе массивтан — шулай уҡ биш меңлек Дыхтауҙан, Пушкин түбәһенән, Мижирганан торған Мижирга массивынан айыра. Саҡ ҡына көнсығыштараҡ, бер аҙ ситтәрәк Ҡуштантау массивы ята.

Боҙлоҡтың үрге өлөшөндә «Австрия төнәүлектәре» — альпинистар өсөн уңайлы майҙансыҡ (бейеклеге 3200 м) урынлашҡан.

Топографик карта

Лист карты K-38-27 Верх. Балкария. Масштаб: 1 : 100 000. Состояние местности на 1984 год. Издание 1988 г.

Шулай уҡ ҡарағыҙ

• Бызынғы (тау районы)
• Бызынғы диуары

Һылтанмалар

• Безенги  (билдәһеҙ). Дата обращения: 21 февраль 2010. Архивировано из оригинала 6 октябрь 2011 года. 2011 йыл 6 октябрь архивланған.
• Фотоочерк Безенги  (билдәһеҙ). Дата обращения: 8 декабрь 2020.
• Дневник: Безенги  (билдәһеҙ). Дата обращения: 8 декабрь 2020. 2016 йыл 4 март архивланған.
• Бизинги или Улу-тау-Чиран // Брокгауз һәм Ефрондың энциклопедик һүҙлеге: 86 томда (82 т. һәм 4 өҫтәмә том). — СПб., 1890—1907. (рус.)