Poimesl
.jpg)
Da Poimesl (dt. Palmesel) is a Figua ausm remisch-katholischn Brauchdum ba de Poimprozessiona am Poimsunnda.
De Poimprozession eainnad an an Einzug vom Jesus z Jerusalem, wo a afm Ruckn vo am Esl griddn is. Des Brauchdum is scho seitm 7. Joarhundat belegt. Uaspringli san de Pforra ba da Prozession af an echtn Esl griddn. Spoda san Esl aus Hoiz vawendt worn, wei de echtn Viecha z sterrisch worn. In da Zeid vo da Afklearung san de Poimesl wegn da "Theatralik" vo da Kira zan Tei vabotn worn. Des hod dazua gfiat, dass vui oide Poimesl zasteat worn san.
Poimesl is aa zan Schimpfwort worn. An Buam, dea wo am Poimsunda ois letztda mit seim Poimwedl ind Kira keman is, hod ma friaa Poimesl gnennd. Z Wiazburg wors Brauch, Leitln de wo mit obdrogan Gwand zua Mess keman san, an mit Kreide eigstaubtn Stoffesl aufs Gwand z drucka. Heit no wead dea in da Famij, wo am Poimsunda ois letzta afsteht, Poimesl gnennd wead.
Schau aa
Literadua
- Vera K. Ostoia: A Palmesel at the Cloisters. The Metropolitan Museum of Art Bulletin, 14/7 Meaz 1956 (S. 170 ff). ISSN 0026-1521
Im Netz
Commons: Palmesel – Sammlung vo Buidl, Videos und Audiodateien