HTTP 302

Da HTTP-Antwort-Status-Code 302 Found is a hejfige Art, a Umleitung herzustejn.

Mit dera Anwort wird im Header-Fejd Location a URL mitgliefert, de da User Agent (normalerweis da Webbrowser) ois Nächsts in dasejbn Art und Weis ofrong soi. Bschriem is des Ganze in da HTTP/1.0-Spezifikation (RFC 1945), wo da Code ois „Moved Temporarily“ („voribergehend verschom“) bezeichnet wird.

Vej Webbrowser hoidn se owa ned an den do definiadn Standard und wechsln den Request-Typ immer auf GET, egoi wos im urspringlichn Request gstandn is (z. B. POST). Aus dem Grund sand in HTTP/1.1 (RFC 2616) zwoa neie Status-Codes eigfiart worn, de de zwoa Fej obdecka soin. Bei 303 See Other wird da Request-Typ auf GET gändert, bei 307 Temporary Redirect bleibt a dahoitn.

Wei manche Browser immer no ned HTTP/1.1 unterstitzn, verwendn manche Web-Frameworks immer no 302.

Da Fehler-Code 302 is inzwischn vej in d Kritik kemma, do er a Meglichkeit fia URL-Hijacking is, des hoaßt, das ma mit oda ohne Absicht a bestimmte Domain aus da Suchmaschin vertreim ko. Desweng wird empfoin, auf den 302-Code ganz zu verzichtn und entweder an 301 „Moved Permanently“ oda wenn HTTP/1.1 unterstitzt den 307 „Temporary Redirect“ zruckzuliefern.

Beispej

Da Browser frogt o:

GET /index.html HTTP/1.1
Host: www.beispaei.de

De Antwort vom Server:

HTTP/1.1 302 Found
Location: http://www.iana.org/domains/beispaei/

Im Netz

• RFC 2616 (HTTP 1.1)
• RFC 1945 (HTTP 1.0)