Анатоль Дзятлаў

Анатоль Сьцяпанавіч Дзятлаў
рас. Анатолий Степанович Дятлов
Дата нараджэньня	3 сакавіка 1931
Месца нараджэньня	Атаманава, Краснаярскі край, СССР
Дата сьмерці	13 сьнежня 1995 (64 гады)
Месца сьмерці	Кіеў, Украіна
Прычына сьмерці	інфаркт міякарда
Месца пахаваньня	Лясныя могілкі[d]
Грамадзянства	СССР, Украіна
Месца вучобы	Нацыянальны дасьледчы ядзерны ўнівэрсытэт[d]
Занятак	nuclear engineer
Месца працы	Чарнобыльская АЭС
Жонка	Ізабэла Іванаўна Дзятлава
Узнагароды	Ордэн Працоўнага Чырвонага Сьцягу Ордэн «Знак Пашаны»
Анатоль Сьцяпанавіч Дзятлаў у Вікісховішчы

Анатоль Сьцяпанавіч Дзятлаў (3 сакавіка 1931 — 13 сьнежня 1995) — колішні намесьнік галоўнага інжынэра па эксплюатацыі Чарнобыльскай АЭС.

Паводле афіцыйнай (усё больш аспрэчваемай у апошні час) вэрсіі прызнаны адным зь вінаватых у аварыі на ЧАЭС.

Біяграфія

А. С. Дзятлаў нарадзіўся ў 1931 годзе, у сяле Атаманава Краснаярскага краю. У 1945 паступіў у Нарыльскі горна-матэлюргічны тэхнікум. У 1953—1959 навучаўся ў Маскоўскім інжынэрна-фізычным інстытуце па спэцыяльнасьці «аўтаматыка і электроніка», па сканчэньні атрымаў дыплём з адзнакай. Працаваў на суднабудаўнічым заводзе ім. Ленінскага камсамолу ў Камсамольску-на-Амуры. У 1973 перавёўся на Чарнобыльскую АЭС, якая яшчэ ўзводзілася.

Аварыя на ЧАЭС

Асноўны артыкул: Чарнобыльская катастрофа

Дзятлаў атрымаў вялікую дозу радыяцыі — каля 550 бэр. Быў асуджаны на 10 гадоў калёніі агульнага рэжыму па артыкуле 220 ч. 2 УК УССР і, нягледзячы на захворваньні, у адпаведнасьці зь якімі асуджаны прыпыняе адбываньне пакараньня, быў этапаваны пасьля суда ў Кіеў, у Лук’янаўскую турму і далей у калёнію ў пасёлак Крукава.

Праз чатыры гады, пасьля афіцыйных лістоў за подпісам акадэміка Сахарава і іншых самавітых дзеячоў навукі, быў датэрмінова вызвалены ў сувязі з захворваньнем. Лекаваўся ў апёкавым цэнтры ў Мюнхэне. 13 сьнежня 1995 г. Дзятлаў памёр ад сэрцавай няздатнасьці, што сталася сьледзтвам прамянёвай хваробы.

А. С. Дзятлаў узнагароджаны ордэнамі Знак Пашаны і Працоўнага Чырвонага Сьцягу.

Вонкавыя спасылкі

• «Чернобыль. Как это было»  (рас.)
• Успаміны пра Анатоля Сьцяпанавіча Дзятлава
• Фільм «За минуту до катастрофы»
• Чарнобыльскі суд. Нарыс па матэрыялах суда над работнікамі ЧАЭС