Ясянёўка

	Ясянёўка; лац. Jasianioŭka
	польск. Jasionówka
	; Агульны выгляд
Герб Ясянёўкі
Краіна:	Польшча
Ваяводзтва:	Падляскае
Павет:	Монькаўскі
Гміна:	Ясянёўка
Плошча:	22,64 км²;
Насельніцтва:	764 чал. (2015)
Часавы пас:	UTC+1
летні час:	UTC+2
Паштовы індэкс:	19-122
Нумарны знак:	BMN
Геаграфічныя каардынаты:	53°24′0″ пн. ш. 23°2′0″ у. д. / 53.4° пн. ш. 23.03333° у. д.Каардынаты: 53°24′0″ пн. ш. 23°2′0″ у. д. / 53.4° пн. ш. 23.03333° у. д.
	Ясянёўка на мапе Польшчы Ясянёўка
	Галерэя здымкаў у Вікісховішчы
	http://www.jasionowka.pl

Ясянёўка (польск. Jasionówka) — вёска у Польшчы, каля ракі Бярозаўкі. Цэнтар сельскай гміны Монькаўскага павету Падляскага ваяводзтва. Насельніцтва на 2015 год — 764 чалавекі. Знаходзіцца за 16 км на захад ад Монькаў, за 33 км ад Беластоку.

Ясянёўка — даўняе мястэчка гістарычнага Падляшша, на этнічнай тэрыторыі беларусаў. Да нашага часу тут захаваўся касьцёл Найсьвяцейшай Тройцы, помнік архітэктуры XVII ст.

Гісторыя

Упершыню Ясянёўка ўпамінаецца ў XVI ст. Неўзабае яна атрымала статус мястэчка. У 1553 годзе тут збудавалі першы касьцёл.

У 1569 годзе згодна з умовамі Люблінскай уніі Ясянёўка перайшла да Каралеўства Польскага.

У выніку трэцяга падзелу Рэчы Паспалітай (1795 год) Ясянёўка апынулася ў складзе Прусіі, з 1807 году — у складзе Расейскае імпэрыі, у Беластоцкім павеце Беластоцкай вобласьці (з 1842 году ў Гарадзенскай губэрні). У 1897 годзе статус паселішча панізілі да вёскі.

За часамі Першай сусьветнай вайны ў 1915 годзе Ясянёўку занялі войскі Нямецкай імпэрыі.

25 сакавіка 1918 году згодна з Трэцяй Устаўной граматай Ясянёўка абвяшчалася часткай Беларускай Народнай Рэспублікі. 1 студзеня 1919 году ў адпаведнасьці з пастановай І зьезду КП(б) Беларусі яна ўвайшла склад Беларускай ССР^[1]. Згодна з Рыскай мірнай дамовай 1921 году вёска апынулася ў складзе міжваеннай Польскай Рэспублікі. У гэты час тут было 29 жылых дамоў.

З пачаткам Другой сусьветнай вайны ў верасьні 1939 году Ясянёўку акупавалі войскі Трэцяга Райху, але праз тыдзень вёску перадалі СССР згодна з пактам Молатава-Рыбэнтропа. У лістападзе 1939 году Ясянёўка ўвайшла ў склад БССР, у Беластоцкі раён Беластоцкай вобласьці. З чэрвеня 1941 да ліпеня 1944 году вёска зноў знаходзілася пад акупацыяй нацысцкай Нямеччыны. 16 жніўня 1945 году ўлады СССР перадалі Ясянёўку Польскай Народнай Рэспубліцы.

XIX стагодзьдзе: 1878 год — 1452 чал.^[2]; 1897 год — 1565 чал.
XX стагодзьдзе: 1921 год — 1759 чал., зь іх паводле веры 436 каталікоў, 7 праваслаўных, 1 эвангеліст, 1306 юдэяў і 9 татараў; паводле нацыянальнасьці (згодна з афіцыйнай польскай статыстыкай) 480 палякаў, 1 беларус і 1278 жыдоў^[3]
XXI стагодзьдзе: 2015 год — 764 чал.

^ Вялікі гістарычны атлас Беларусі. У 4 т. Т. 4. — Мінск, 2018. С. 20.
^ Słownik geograficzny... T. III. — Warszawa, 1882. S. 483.
^ Skorowidz miejscowości Rzeczypospolitej Polskiej: opracowany na podstawie wyników pierwszego powszechnego spisu ludności z dn. 30 września 1921 r. i innych źródeł urzędowych. T. 5: województwo białostockie. — Warszawa: Główny Urząd Statystyczny, 1924. S. 14.