Макабоды

	Макабоды; лац. Makabody
	польск. Mokobody
	; Касьцёл Сьвятой Ядзьвігі
Краіна:	Польшча
Ваяводзтва:	Мазавецкае
Павет:	Сядлецкі
Гміна:	Макабоды
Насельніцтва:	1677 чал. (2011)
Часавы пас:	UTC+1
летні час:	UTC+2
Паштовы індэкс:	08-124
Геаграфічныя каардынаты:	52°16′59.9″ пн. ш. 22°7′0.1″ у. д. / 52.283306° пн. ш. 22.116694° у. д.Каардынаты: 52°16′59.9″ пн. ш. 22°7′0.1″ у. д. / 52.283306° пн. ш. 22.116694° у. д.
	Макабоды на мапе Польшчы Макабоды
	Галерэя здымкаў у Вікісховішчы
	http://www.mokobody.pl/

Макабоды, Мукабоды (польск. Mokobody) — вёска ў Польшчы, на рацэ Ліўцы. Цэнтар сельскай гміны Сядлецкага павету Мазавецкага ваяводзтва. Насельніцтва на 2011 год — 1677 чалавек. Знаходзяцца за 17 км на паўночны захад ад Седльцаў, за 77 км на ўсход ад Варшавы.

Мукабоды — даўняе магдэбурскае места гістарычнага Падляшша каля мяжы з Мазовіяй. Да нашага часу тут захаваўся касьцёл Сьвятой Ядзьвігі, помнік архітэктуры XVIII—XIX стагодзьдзяў.

Гісторыя

Паміж Вялікім Княствам Літоўскім і Каралеўствам Польскім

Упершыню Мукабоды ўпамінаюцца ў XV ст., калі імі валодаў Ян Мукабодзкі. У 1487 годзе кароль і вялікі князь Казімер перадаў вёску Івану Храптовічу. У 1496 годзе Мукабоды атрымалі Хэлмінскае права^[1]. У гэты час тут існавала царква.

У 1569 годзе згодна з умовамі Люблінскай уніі Мукабоды перайшлі да Каралеўства Польскага. У розныя часы яны знаходзіліся ў валоданьні Астрарогаў, Асалінскіх, Язерскіх, Кучынскіх.

Пад уладай Расейскай імпэрыі

У выніку трэцяга падзелу Рэчы Паспалітай (1795 год) Макабоды апынуліся ў складзе Аўстрыі, з 1809 году — у складзе Расейскай імпэрыі. На 1827 год у месьце было 128 будынкаў, на 1861 год — 115, на 1878 год — 118.

За часамі Першай сусьветнай вайны ў 1915 годзе Макабоды занялі войскі Нямецкай імпэрыі.

Найноўшы час

Згодна з Рыскай мірнай дамовай 1921 году Макабоды апынуліся ў складзе міжваеннай Польскай Рэспублікі.

У Другую сусьветную вайну зь верасьня 1939 да жніўня 1944 году Макабоды знаходзіліся пад акупацыяй Трэцяга Райху. У 1975—1998 гадох вёска ўваходзіла ў склад Сядлецкага ваяводзтва.

Насельніцтва

Дэмаграфія

XIX стагодзьдзе: 1827 год — 948 чал.; 1861 год — 1202 чал.; 1878 год — 1365 чал.; 1884 год — 1482 чал.^[2]
XXI стагодзьдзе: 2011 год — 1677 чал.

Турыстычная інфармацыя

Славутасьці

Касьцёл Сьвятой Ядзьвігі (1792—1818)
Могілкі: каталіцкія, юдэйскія

Крыніцы

^ Maroszek J. Rzemiosło w miastach podlaskich w XVI-XVIII w. // Kwapień M., Maroszek J., Wyrobisz A. Studia nad produkcją rzemieślniczą w Polsce (XIV-XVIII w.). — Wrocław, 1976. S. 96.
^ Chlebowski B., Kuczyński K. Mokobody // Słownik geograficzny... T. VI. — Warszawa, 1885. S. 620.

[1] Maroszek J. Rzemiosło w miastach podlaskich w XVI-XVIII w. // Kwapień M., Maroszek J., Wyrobisz A. Studia nad produkcją rzemieślniczą w Polsce (XIV-XVIII w.). — Wrocław, 1976. S. 96.

[2] Chlebowski B., Kuczyński K. Mokobody // Słownik geograficzny... T. VI. — Warszawa, 1885. S. 620.

[1]

[2]