Гаага

Горад Гаага нідэрл.: Den Haag Герб Сцяг Краіна Нідэрланды Правінцыя Паўднёвая Галандыя Каардынаты 52°05′03″ пн. ш. 4°19′03″ у. д. Бургамістр Вім Дэетман Заснаваны XIII стагоддзе Плошча 98,20 км² Вышыня цэнтра 1 м Водныя аб’екты Паўночнае мора, Haagse Trekvliet[d] і Koninginnegracht[d] Насельніцтва 475 200 чалавек (2006) Шчыльнасць 4839 чал./км² Часавы пояс UTC+1, летам UTC+2 Тэлефонны код +31 70 Паштовыя індэксы 2491–2599 Афіцыйны сайт denhaag.nl Транспартныя артэрыі A4, A12, А13, А44, N14 Гаага на карце Нідэрландаў

Медыяфайлы на Вікісховішчы

Гаага (нідэрл.: Den Haag / 's-Gravenhage) — горад на захадзе Нідэрландаў, у берага Паўночнага мора, рэзідэнцыя нідэрландскага ўрада і парламента, сталіца правінцыі Паўднёвая Галандыя і месцазнаходжанне нідэрландскай каралевы Беатрыкс. У Гааге размешчаныя буйныя міжнародныя прававыя органы: Міжнародны Суд ААН і Міжнародны крымінальны суд.

Гаага на моры

У тэрыторыю Гаагі ўваходзяць два важныя пляжы: Кейкдэйн (нідэрл.: Kijkduin), на захадзе гораду, і Схевенінген (нідэрл.: Scheveningen), папулярны ва ўсёй краіне, на поўначы. У былым рыбацкім пасёлку Схевенінген таксама знаходзіцца порт.

Транспарт

У Гаазе ёсць два чыгуначныя вакзалы: «Цэнтральны» (нідэрл.: Centraal Station), канчатковая станцыя для цягнікоў з Утрэхта і з усходу і поўначы Нідэрландаў, і «Галандскай ч.д.» (нідэрл.: Hollandse Spoor), дзе спыняюцца цягнікі на лініі Лейдэн-Ратэрдам і міжнародныя цягнікі ў Антверпен, Брусэль і Парыж.

Гарадскі грамадскі транспарт уяўляе шчыльную сетку трамвайных і аўтобусных маршрутаў аператара «Гаагскага трамвайнага грамадства» (нідэрл.: Haagse Tramweg Maatschappij — HTM). У 2004 годзе быў адчынены трамвайны тунэль даўжынёй каля 2 кіламетраў пад цэнтрам горада з двума падземнымі станцыямі.

Гаага з'яўляецца вузлом аўтамабільных дарог. Ёсць аўтастрады ў Амстэрдам (А4 і А44), Ратэрдам (А13) і Утрэхт — Германія (А12).

Аэрапорта ў Гаазе няма (аэрапорт Ратэрдама знаходзіцца кіламетрах у 15 ад Гаагі, амстэрдамскі аэрапорт Схіпхол (нідэрл.: Schiphol) — у 40).

Спасылкі

• афіцыйны сайт гаагскай муніцыпальнай адміністрацыі (англ.)