Жэнеўскае возера

Жэнеўскае возера
фр.: lac Léman, ням.: Genfersee
Морфаметрыя
Вышыня над узроўнем мора	372 м
Даўжыня	73 км
Шырыня	14 км
Плошча	582 км²
Аб’ём	89 км³
Найбольшая глыбіня	309 м і 152,7 м
Басейн
Плошча вадазбору	7 395 км²
Размяшчэнне
Краіны	Швейцарыя, Францыя
Жэнеўскае возера
Медыяфайлы на Вікісховішчы

Жэнеўскае возера, Леман (ням.: Genfersee, фр.: Lac de Genève, lac Léman) — возера ў Швейцарыі і Францыі. Плошча 582 км², даўжыня 72 км, глыбіня да 310 м.

Прырода

Размешчана ў міжгорнай упадзіне паміж Заходнімі Альпамі (Бернскія і Савойская Альпы) і гарамі Юра на вышыні 372 м. Паводле паходжання — канцавы басейн аднаго з рукавоў былога Ронского ледавіка. Берагі пераважна высокія, стромкія. Цераз Жэнеўскае возера працякае рака Рона; сцёк рэгулюецца плацінай пры выхадзе Роны з возера. Рэкі басейна Жэнеўскага возера маюць альпійскі рэжым, атрымліваючы вялікую частку вады ад раставання снягоў і ледавікоў, таму гадовы ўзровень вады ў возеры вышэй зімовага ў сярэднім на 1 м. Тэмпература паверхневага слоя вады летам ад 19 да 24 °C, зімой ад 4 да 5 °C; возера не замярзае.

Гаспадарчае значэнне

Узбярэжжа вельмі маляўнічае, клімат мяккі і цёплы. На берагах размяшчаюцца гарады Жэнева, Лазана, кліматычныя і бальнеалагічныя курорты: Вевэ, Мантро (Швейцарыя), Эвіян-ле-Бэн (Францыя) і іншыя. Развіты турызм. Возера суднаходнае, мае важнае значэнне для забеспячэння пітною вадою насельніцтва і сельскагаспадарчых угоддзяў навакольных зямель. Уздоўж берагоў ідзе шаша і чыгунка.

Спасылкі

• The Origin of Geneva Lake
• Encyclopédie Larousse en ligne — lac Léman
• Lake Geneva Switzerland
• Histoires et légendes du lac Léman Архівавана 16 снежня 2018.
• Le lac Léman: histoire du lac
• bigenc.ru Архівавана 23 кастрычніка 2020.