Герцагства Саксонія
| Герцагства | |||
| Герцагства Саксонія | |||
|---|---|---|---|
| ням.: Herzogtum Sachsen | |||
|
|||
.svg) |
|||
|
|
|||
| Мова(ы) | Ніжненямецкая мова | ||
| Афіцыйная мова | лацінская мова | ||
| Рэлігія | хрысціянства | ||
| Дынастыя | Людальфінгі, Білунгі, Суплінбургі, Асканіі, Вельфы | ||
| Пераемнасць | |||
|
Герцагства Саксен-Вітэнберг > Герцагства Саксен-Лаўэнбург > Герцагства Браўншвайг-Люнебург > |
|||
Герцагства Саксонія (ням.: Herzogtum Sachsen) — назва тэрытарыяльна-дзяржаўных утварэнняў, якія ўваходзілі ў склад Свяшчэннай Рымскай Імперыі:
1. Да 1180 года — племянное герцагства (ням.: Stammesherzogtum Sachsen) паміж ніжнімі цячэннямі ракі Рэйн і Эльба (якое займала прыблізна тэрыторыю сучаснай зямлі Германіі Ніжняя Саксонія).
2. Алаідальныя ўладанні феадалаў, якія насілі з 1180 года тытул герцагаў Саксонскіх (на тэрыторыях, якія адносяцца да гістарычнай вобласці Верхняя Саксонія).
Узнікненне саксонскай дзяржаўнасці адносіцца да VII стагоддзя. Падчас зацяжных і кровапралітных войн землі саксаў былі заваяваны Карлам Вялікім, стаўшы часткай імперыі франкаў. Саксонія лічылася адным з найбольш значных племянных герцагстваў Усходне-Франкскага каралеўства (Германіі).
У 1180 годзе імператар Фрыдрых I Барбароса за непадпарадкаванне імператарскай уладзе пазбавіў магутнага саксонскага герцага Генрыха Льва тытула і ўладанняў. Гэта дата традыцыйна лічыцца канцом эпохі племянных герцагстваў. Большасць васалаў саксонскага герцага перайшлі ў непасрэднае падпарадкаванне імператару. Тытул герцага Саксоніі кардынальным чынам памяняў сваё значэнне, згубіўшы большасць сваіх уладных правоў. У выніку тытул атрымаў Бернхард, граф Ангальта з дому Асканіяў, які валодаў землямі на правым беразе Ніжняй і Сярэдняй Эльбы. Пры яго пераемніках каля 1272 года герцагства падзялілася на 2 герцагствы: Саксен-Вітэнберг і Саксен-Лаўэнбург.
Найбольш важным з іх было герцагства Саксен-Вітэнберг, якое пасля Залатой булы Карла IV 1356 года было ператворана ў курфюрства Саксонія. Заходняя Саксонія (Вестфалія) была далучана да архібіскупства Кёльнскага. Нашчадкі Генрыха Льва захавалі толькі вобласці Браўншвайга і Люнебурга (будучыня герцагства Браўншвайг-Люнебург).
Гл. таксама
[правіць | правіць зыходнік]Спасылкі
[правіць | правіць зыходнік]- Саксония, королевство // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.