Тэадор Людвіг Вільгельм фон Бішаф

Тэадор Людвіг Вільгельм фон Бішаф
ням.: Theodor Ludwig Wilhelm von Bischoff
Дата нараджэння	28 кастрычніка 1807(1807-10-28)
Месца нараджэння	Гановер, Браўншвейг-Люнебург, Свяшчэнная Рымская імперыя
Дата смерці	5 снежня 1882(1882-12-05) (75 гадоў)
Месца смерці	Мюнхен, Верхняя Баварыя, Каралеўства Баварыя, Германскі рэйх
Месца пахавання	Старыя паўднёвыя могілкі[d]
Грамадзянства	Каралеўства Прусія
Бацька	Christian Heinrich Ernst Bischoff[d]
Маці	Juliane Bischoff[d]
Жонка	Kunigunde Tiedemann[d]
Род дзейнасці	урач, выкладчык універсітэта, фізіёлаг, анатам
Навуковая сфера	анатомія, эмбрыялогія, фізіялогія
Месца працы	Мюнхенскі ўніверсітэт Людвіга-Максіміліяна Гайдэльбергскі ўніверсітэт Гісенскі ўніверсітэт
Навуковая ступень	доктар медыцыны, доктар філасофіі
Навуковае званне	прафесар
Альма-матар	Бонскі ўніверсітэт Гайдэльбергскі ўніверсітэт
Вядомыя вучні	Conrad Eckhard[d]
Вядомы як	упершыню даказаў наяўнасць у крыві жывёл кіслароду і свабоднай вуглекіслаты
Член у	Лонданскае каралеўскае таварыства Леапальдзіна Пецярбургская акадэмія навук Амерыканская акадэмія мастацтваў і навук Расійская акадэмія навук Пруская акадэмія навук Нідэрландская каралеўская акадэмія навук
Узнагароды	замежны член Лонданскага каралеўскага таварыства[d] (26 сакавіка 1868) член Амерыканскай акадэміі мастацтваў і навук
Медыяфайлы на Вікісховішчы

Тэадор Людвіг Вільгельм фон Бішаф (ням.: Theodor Ludwig Wilhelm von Bischoff; 28 кастрычніка 1807, Гановер — 5 снежня 1882, Мюнхен) — нямецкі анатам, фізіёлаг, эмбрыёлаг. Доктар філасофіі (1829). Доктар медыцыны (1832). Прафесар (1836). Член-карэспандэнт, замежны член Пецярбургскай АН (1846).

Біяграфія

Нарадзіўся 28 кастрычніка 1807 г. у Гановеры. Адукацыю атрымаў ў Бонскім і Гайдэльбергскім універсітэтах. З 1832 года асістэнт пры ўніверсітэцкай клініцы ў Берліне. З 1836 года прафесар анатоміі і фізіялогіі ў Гайдэльбергскім універсітэце. З 1844 па 1855 год прафесар Гісэнскага ўніверсітэта. З 1855 па 1878 год у Мюнхенскім універсітэце, пасля чаго выйшаў у адстаўку. Памёр 5 снежня 1882 г. у Мюнхене.

Навуковая дзейнасць

Т. Л. Бішаф займаўся даследаваннямі стадый развіцця зародка млекакормячых, параўнальным вывучэннем мозга чалавека і малпаў. У сваёй дысертацыі «Commentatio de novis quibusdam experimentis doctrinam de respiratione institutis» упершыню даказаў наяўнасць у крыві жывёл кіслароду і свабоднай вуглекіслаты. Пры непасрэдным удзеле Бішафа ў Гісэнскім універсітэце былі створаны Фізіялагічны інстытут і анатамічны тэатр. У 1838 годзе апісаў працэс драблення яйцаклеткі.

Літаратура

• Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш.. — Мн.: БелЭн, 1996. — Т. 3. — С. 164—165. — 511 с. — 10 000 экз. — ISBN 985-11-0068-4 (т. 3).

Спасылкі

• Бишоф Теодор Людвиг Вильгельм // Сайт РАН (руск.)
• Большая советская энциклопедия. — М.: Советская энциклопедия. 1969—1978. (руск.)
• Прокопьев Н. Я. Выдающиеся анатомы и их вклад в мировую науку. Часть 1. // Педагогика высшей школы. — 2015. — № 2. — С. 1-7. (руск.)
• Theodor Ludwig Wilhelm Bischoff (1807—1882) // Hermann von Helmholtz-Zentrum für Kulturtechnik, Humboldt-Universität zu Berlin Архівавана 28 верасня 2020. (ням.)