Яўстах Бенедыкт Козел-Паклеўскі
Яўстах-Бенедыкт Козел-Паклеўскі | |
---|---|
| |
Нараджэнне |
20 лістапада 1842 |
Смерць | невядома |
Род | Козел-Паклеўскія |
Бацька | Каятан Козел-Паклеўскі |
Маці | Вікторыя Ліхадзееўская |
Жонка | Марыя Анрыета Колёнж, Эліжбета Козел-Паклеўская |
Дзеці | Станіслава Марыя Колёнж, Яўстах Вінсент Анры Колёнж |
Веравызнанне | каталік |
Адукацыя | |
Бітвы |
Яўстах-Бенедыкт Козел-Паклеўскі (польск.: Eustachy Benedykt Koziełł-Poklewski; нар. 20 верасня 1842, Княгінін Вілейскага павета[1] — ?) — удзельнік паўстання 1863—1864 гадоў, фатограф.
Біяграфія
[правіць | правіць зыходнік]Паходзіў са шляхецкага роду Козел-Паклеўскіх уласнага герба «Козел». Бацька Каэтан быў суддзём, дзед Юзаф-Каласанты Козел-Паклеўскі быў уладальнікам маёнтку Сэрвач, маці Вікторыя паходзіла з роду Ліхадзіеўскіх герба «Ястрабец». Яўстах-Бенедыкт Козел-Паклеўскі нарадзіўся 20 верасня 1842 года ў двары Княгінін, быў ахрышчаны 27 верасня 1842 г. у касцёле Святога Апостала Андрэя ў Крывічах[1].
У 1854—1859 гг. Яўстах-Бенедыкт Козел-Паклеўскі навучаўся ў Мінскай гімназіі, пасля чаго працягнуў навучанне ў Горыгорацкім земляробчым інстытуце, дзе ў 1863 г. разам з іншымі студэнтамі далучыўся да атраду Людвіка Звяждоўскага[1]. 6 мая 1863 г. удзельнічаў у захопе горада Горкі[2]. 6 мая 1863 аддзел Звяждоўскага ўступіў у бой з расійскімі войскамі і пацярпеў паражэнне, пасля чаго ён распусціў свой аддзел і выехаў у Царства Польскае. Яўстах-Бенедыкт Козел-Паклеўскі быў арыштаваны, у выніку чаго быў абвінавачаны ва ўдзеле ў паўстанні і атрымаў 12 гадоў катаргі з канфіскацыяй маёмасці[2]. Вясной 1864 г. падчас перасылкі ў Маскве здолеў уцячы разам з Каралем Маліцкім[1]. Эміграваў да Францыі, дзе займаўся фатаграфіяй, меў сваю студыю фатаграфіі на Елісейскійскіх палях. У 1864—1869 гг. навучаўся ў Вышэйшай гандлёвай школе ў Парыжы.
Зноскі
- ↑ а б в г Удзельнікі паўстання 1863—1864 гадоў : біяграфічны слоўнік : (паводле матэрыялаў Нацыянальнага гістарычнага архіва Беларусі) / Дзмітрый Матвейчык ; Дэпартамент па архівах і справаводству Міністэрства юстыцыі Республікі Беларусь, Нацыянальны гістарычны архіў Беларусі. — Мінск: Беларусь, 2016. — С. 58. — 734 с. — 400 экз. — ISBN 978-985-01-1159-3.
- ↑ а б Вольга Гарбачова, Паўстанцы 1863 года на фотаздымках, №. 12, Мінск: Arche, 2010, С. 126.
Літаратура
[правіць | правіць зыходнік]- Матвейчык, Дз. Ч. Паўстанне 1863—1864 гадоў у Беларусі: нарыс баявых дзеянняў / Дзмітрый Матвейчык. — Мінск : Медысонт, 2013. — 121 с.
- Удзельнікі паўстання 1863—1864 гадоў : біяграфічны слоўнік : (паводле матэрыялаў Нацыянальнага гістарычнага архіва Беларусі) / Дзмітрый Матвейчык ; Дэпартамент па архівах і справаводству Міністэрства юстыцыі Республікі Беларусь, Нацыянальны гістарычны архіў Беларусі. — Мінск: Беларусь, 2016. — С. 58. — 734 с. — 400 экз. — ISBN 978-985-01-1159-3.
- Dawid Fajnhauz, Ruch Konspirocyjny na Litwie i Białorusi, 1846—1848. Warszawa. 1965.
- Dawid Fajnhauz, 1863: Litwa i Białoruś / D. Fajnhaus. ― Warszawa: Neriton, 1999. ― 357 s.
- Ona Maksimaitienė, Lietuvos sukilėlių kovos 1863—1864 m. Vilnius : Mintis, 1969.
- Нарадзіліся 20 лістапада
- Нарадзіліся ў 1842 годзе
- Нарадзіліся ў Вілейскім павеце
- Выпускнікі Мінскай губернскай гімназіі
- Выпускнікі Беларускай дзяржаўнай сельскагаспадарчай акадэміі
- Асобы
- Фатографы Беларусі
- Удзельнікі паўстання 1863—1864 гадоў
- Рэпрэсаваныя ў Расійскай імперыі
- Козел-Паклеўскія
- Фатографы Францыі