Jintan

?Jintan
	; Bigi jintan
Klasifikasi ilmiah
Karajaan:	Plantae;
Divisi:	Magnoliophyta;
Kelas:	Magnoliopsida;
Ordo:	Apiales;
Famili:	Apiaceae;
Genus:	Carum;
Spesies:	C. carvi;
Ngaran binomial
	Carum carvi; L.
Sinonim
	Trachyspermum roxburghianum(DC.) Craib; T. involucratum Wolff non Marie,; Carum roxburghianum Benth ex Kurz;

Jintan (Trachyspermum roxburghianum syn. Carum roxburghianum) adalah tanaman malayap nang biginya kawa dipakai gasan rarampah duwa tatamba. Jintan atawa ngaran lainnya cumin rancak dipakai gasan bumbunya gulai, opor, duwa soto. Bigi jintan nang dipakai gasan rarampah panjangnya kikira 6 mm, pabila disandingakan lawan adas, ukurannya tahalus duwa takadap.

Lamun di pasar, ada parian Jintan nang rancak urang jual, yaitu Jintan putih, jintan hirang duwa jintan manis. Asing-asingnya baisi harum duwa rasa nang balainan juwa, tagal sama-sama baisi harum nang khas, nangkaya manis saikit, pahit duwa hangat.^[2] Di Indunisia, Jintan baisi banyak ngaran nangkaya Jinten Putih (Jawa), Ginten (Bali); Jinten Bodas (Sunda), Jhinten pote (Madura); Jeura engkut, Jeura putih (Aceh), Jinten pute (Bugis).^[3]

Jintan dikikiraakan lawan bubuhan ahli matan Mesir rahatan 4000 SM lawan imbah ngitu ditanam wan diharagu urang di Amerika Selatan, Afrika, wan Timur Tengah. Bahari, Jintan dipakai urang Mesir lainan gasan rarampah makanan, tagal gasan dikasaiakan ka mumi sakira tahan lawas.

Parawakan

Tanaman jintan putih marupakan tanaman terna, baisi tinggi 1,5-5 m. Batang bagaris-garis wan kada babulu. Babentuk pita, panjang 3-10 cm. Kambang nangkaya payung, panjang mahkutanya kikira 1 mm, bakalir putih atawa habang. Panjang buah kikira 5-7 mm, wan libar 3 mm. Tanaman ngini baisi batang kayu wan daunnya basusun baputar wan batumpuk. Daun jintan putih baisi pelepah daun nangkaya tangking halus. Bantukan daun jintan putih kada nangkaya balambar, tagal mahiri duwa banang nang karas duwa handap. Tanaman jintan tabanyak bakalir hijau wan kambangnya tahalus bakalir kuning tuha nang ditupang duwa tangking nang tapanjang.^[3]

Wadah tumbuh

Tanaman ngini banyak ditanam di India duwa Asia Tenggara. Rasanya taparak duwa tanaman kelabat atawa klabet daripada parian rarampah lainan.

Kagunaan

Bumbu masak

Jintan biasanya dipakai dalam masakan nangkaya opor, rawon, rendang, soto, tongseng, gulai wan laksa. Fungsi jintan ialah gasan maharumi, manambah rasa nyaman duwa padas, nang mana padas nang ada ngini kada manyakitakan tagal gasan manghangatakan awak. Supaya harum duwa rasanya takaluar, Jintan ngini harus disangrai dulu sampai masak, hanyar kawa dicampur ka masakan.^[4]

Jujuhutan

^ Geeta, R. "Radhuni: what is it??". Diarsipkan dari versi asli tanggal 2008-03-03. Diakses tanggal 19 April 2008.
^ Lyliana, Lea (2021-10-18). "Apa Itu Jintan, Rempah untuk Menambah Aroma Masakan?". KOMPAS (dalam bahasa Indonesia). Diakses tanggal 2023-06-18.
^ ^a ^b Fakultas Farmasi UGM (2008-03-05). "Jinten (Cuminum cyminum L.) – CCRC". Fakultas Farmasi UGM (dalam bahasa Indonesia). Diakses tanggal 2023-06-18.
^ Kirana, Febi (2019-01-16). "Pedas dan Hangat, Ini Fungsi Jintan dalam Masakan". fimela.com (dalam bahasa Indonesia). Diakses tanggal 2023-06-18.

[1] Geeta, R. "Radhuni: what is it??". Diarsipkan dari versi asli tanggal 2008-03-03. Diakses tanggal 19 April 2008.

[2] Lyliana, Lea (2021-10-18). "Apa Itu Jintan, Rempah untuk Menambah Aroma Masakan?". KOMPAS (dalam bahasa Indonesia). Diakses tanggal 2023-06-18.

[:0-3] Fakultas Farmasi UGM (2008-03-05). "Jinten (Cuminum cyminum L.) – CCRC". Fakultas Farmasi UGM (dalam bahasa Indonesia). Diakses tanggal 2023-06-18.

[4] Kirana, Febi (2019-01-16). "Pedas dan Hangat, Ini Fungsi Jintan dalam Masakan". fimela.com (dalam bahasa Indonesia). Diakses tanggal 2023-06-18.

[1]

[2]

[3]

[4]