Ruzenn c'hargadenn mouezhiet

Selaou
LFE – niverenn	145
LFE – unicode	ʕ
LFE – skeudenn
X-SAMPA	`?\`

Unan eus ar c'hensonennoù e taolennoù ofisiel al lizherenneg fonetikel etrebroadel ganti un arouezenn ispisial eo ar gensonenn gourlañchenn dre daravat mouezhiet treuzskrivet [ʕ] hervez reolennoù al LFE, ganti an niverenn dave 145.

Daoust ha ma vez lec'hiet an arouezenn-mañ e-touez renk ar c'hensonennoù dre daravat e daolenn al LFE dre voaz e vez distaget peurliesañ er yezhoù ma vez implijet gante evel ur gensonenn dre dostaat hag implijet vez an hevelep arouezenn [ʕ] koulz evit ar gensonenn gourlañchenn dre daravat mouezhiet hag evit ar gensonenn gourlañchenn dre dostaat mouezhiet, en ur c'hoût ne vez ket kavet an div son-se enebiet an eil diouzh egile e yezh ebet. Mar bez ezhomm atav e c'heller implijout ar sin diakritek ispisial evit merkañ ar fed m'emañ distaget evel ur gensonenn dre dostaat [ʕ̞] pe c'hoazh ur sin diakritek all evit diskwel emañ distaget evel ur gensonenn dre daravat [ʕ̝].

Ral a wezh e kaver kensonennoù gourlañchenn e-touez yezhoù ar bed ha peurliesañ pa gomzer eus kensonennoùa seurt-se e tizoloer, pa vezont dielfennet donoc'h, e tennont kentoc'h da gensonennoù ankoue, da skouer en arabeg e vez distaget ar fonenn treuzskrivet /ʕ/ peurliesañ evel ur gensonenn ankoue dre daravat mouezhiet, ur gensonenn ankoue dre dostaat mouezhiet pe c'hoazh evel ur gensonenn troc'h-avel dre serriñ gourlañchennekaet.

Skouerioù

Yezh	Ger	LFE	Ster
Arabeg	عشرة	[ʕɑʃɑrɑ]	'dek'
Avareg	гIоркь	[ʕortɬʼː]	'dornell'
Tchetcheneg	Iан/jan	[ʕan]	'goañv'
Hebraeg sefardiek	עִבְרִית	[ʕivˈɾit]	'Hebraeg'
Kabileg	εemmi	[ʕəmmi]	'ma eont (breur ma zad)'
Kurdeg (koumandjieg)	'ewr	[ʕɑwr]	'koumoulenn'
Okitaneg (su Auvernha)	pala]	[ˈpaʕa]	'pal'
Somalieg	caadi	[ʕaːdi]	'bazh'
Sioux (nakoda)		[maʕazud]	'glav'