Brezel etre Ukraina ha Rusia
D'ar 1añ a viz Meurzh e vo lakaet tout an dud da vont d'ar gêr. Brezel etre Ukraina ha Rusia zo abaoe miz C'hwevrer 2014. Ouzhpenn ar re-se e vez lod disrannerien a-du gant Rusia o kemer perzh er stourm. Kroget e oa ar bec'h gant Rusia dres goude Reveulzi Maidan. Tabut zo diwar-benn statud rannvroioù Krimea ha Donbas, e su ha mervent Ukraina. Ar re-se zo anavezet evel lodennoù eus Ukraina gant ar braz eus stadoù ar bed ha gant an aozadurioù etrebroadel. Aloubet e oa bet Krimea gant Rusia, ha goude-se e oa kroget ar brezel e Donbas etre disrannerien, harpet gant Kevredad Rusia, ha nerzhioù lu Ukraina. A bep seurt doareoù stourm zo bet, evel emgannoù war vor, siberbrezel... Ar brezel zo bet o vont war washaat e 2021, ar Rusianed a oa krog da armañ an harzoù tro-dro Ukraina. D'ar 24 a viz C'hwevrer 2022, ar brezel a oa bet gwashaet c'hoazh pa oa bet aloubet ul lodenn eus Ukraina gant nerzhioù lu Rusia.
Enepargadennoù ukrainat a zo bet e su ha biz ar vro o adtapout douaroù abaoe miz Eost. E fin miz Gwengolo Rusia a embanne e oa staget ouzh ar c'hevread an tiriadoù damm-aloubet e su ha reter Ukraina. Ne oa ket bet degemeret mat gant darn broioù ar bed. Ar brezel zo mammenn ar gwasañ grizenn a-fed divroidi abaoe fin an Eil Brezel-bed. Ouzhpenn-se ar c'holloù trevour a zo uhel betek dek milieroù a dud lazhet.
Kenarroud goude URSS ha Reveulzi orañjez
Ur wech roet lamm d'an URSS e 1991, Ukraina ha Rusia a oa chomet tost ha liammet don.
Brezel en Donbas 2014–2015
Ar c'hentañ emsavadegoù a oa bet dre su ha reter Ukraina a-enep ar gouarnamant nevez. D'ar mare-se, Rusia ne rae ket kalz traoù nemet harpañ ar vanifesterien dre gomz. Gant an amzer o tremen e oa bet implijet an digarez-se evit kas un argadenn bolitikel ha milourel war Ukraina. Vladimir Poutin en doa harpet an disrannourien en ur ober eus an Donbas ul lodenn eus "Rusia Nevez" (Novorossiya), hag ouzhpenn-se en devoa embannet douetañs war penaos e oa en em gavet ar rannvro en Ukraina.
Adalek 2021, Rusia he devoa kendalc'het da ouzhpennañ unvezioù-stourm tro-dro da Ukraina, betek tizhout 30 000–40 000 soudard.
Aloubadeg Ukraina gant Rusia e 2022
- Pennad pennañ : Aloubadeg Ukraina gant Rusia e 2022
E miz C'hwevrer 2022, goude mizioù tenn etre Rusia, Ukraina ha broioù ar c'hornôg e voe lañset un oberenn vilourel ispisial gant Rusia evit cheñch gouarnamant Ukraina, aloubiñ tiriadoù zo eus ar vro ha stagañ anezho ouzh Rusia ha brasaat tachenn Republikoù Pobl Donetsk ha Louhansk. E miz Gwengolo e chome Rusia oc'h ober brezel c'hoazh goude m'he doa c'hwitet e rannvro Kyiv hag e oa arme Ukraina oc'h enep-argadiñ kostez C'harkiv ha C'herson.