Histoire d'O (film)
|
C'l artìcul chè 'l è scrit in
Miranduléś |
 Histoire d'O
| ||
| Histoire d'O | ||
 La Corinne Cléry in na figùra dal film | ||
| Stòria dla O 1975 | ||
|---|---|---|
| Regìa: Just Jaeckin | ||
| Scritōr: Pauline Réage • Sébastien Japrisot | ||
| Atōr: Corinne Cléry • Udo Kier • Anthony Steel Jean Gaven • Christiane Minazzoli • Martine Kelly | ||
| Müsica: Pierre Bachelet | ||
| Léngua: Francéś • Ingléś • Pulàc | ||
| Dürä dal film: 100 minüt | ||
| Nasiōṅ: Frància • Germâgna • Cànada | ||
Histoire d'O (Stòria dla O) 'l è 'n film eròtic francéś, tedésc e canadéś dal 1975 ad Just Jaeckin trat da 'l rumànś umònim dal 1954 ad Pauline Réage.
Al gh'à abû dū séguit, Histoire d'O, ritorno a Roissy (Histoire d'O: Chapitre 2 dal 1984) e Histoire d'O 3 (The Story of O: Untold Pleasures dal 2002), e 'n arfacimènt, Les fruits de la passion dal 1981.
Sunt
Na śuvnòta ch'ad mistēr la fà la futógrafa, cgnusùda cuma "O" (Corinne Clery), la vîṅ purtàda p'r al sò amànt René (Udo Kier) in dal castèl ad “Roissy” in dua la dvènta 'n bagàj sesuàł e basta paténd di cōlp ad scùria e di àtar śuglèṅ sadumàś. La dóna l'impàra acsè l'art 'd armàgnar schisa a 'l sò óm parchè la 'l vōl lē. Prima 'd partìr a gh vîṅ dâ 'n anèl ad fèr che lē la gh'à da mét'r-as par far véd'r a tut qvél ch'l'è dvintàda dabòṅ, na stiàva.
Subìt dòp la O la cgnós na mudèla ch'la s ciàma Jacqueline (Li Sellgren), ch'la gh interèsa dimóndi qvél ch'la fà lē, e Sir Stephen H. (Anthony Steel), 'n óm ch'al diś 'd ès'r al fradèl dal sò muróś René. La O la gh và adrē in fiṅ a la cà ch'al gh'à in campàgna p'r èsar marcàda a fōg in dal cûl c'n al létri dal sò nóm (S. H.) cuma na vaca, insém a l’Anne-Marie (Christiane Minazzoli) e a di atri dóni. Sir Stephen al gh fà insfilsàr anc di piercing a anèl in dla barnàrda e pò al s la spartìs c'n àtar dū óm, Ivan (Alain Noury) e 'l Cmandànt (Gabriel Cattand). La O l'è cuntènta acsè parchè la gh cata gust.