Feliciano López
|
C'l artìcul chè 'l è scrit in
Miranduléś |
Feliciano López Díaz-Guerra, cgnusû méj cuma Feliciano López (Tulēd, 20 ad Setémbar dal 1981, a s lèś [feliˈθjano ˈlopeθ ˈdi.aθ ˈgera] in Spagnōl) 'l è 'n tenìsta spagnōl manciàṅ prufesiunìsta da 'l 1997.
Al 2 ad Mars dal 2015 'l è rivâ a ès'r al nùmar dódas dal mónd in singulàr. In dla sò caréra 'l à vins quàtar tìtui ATP, i prim dū su cimènt e chi àtar su l'èrba ingléśa 'd Eastbourne, pardénd inóltar nóṿ finàli. In dópi 'l à vins tri turnèo, al più impurtànt 'l è 'l Roland Garros dal 2016 in dua, insém a Marc López, 'l à batû i śmèj Bryan par 6-4 6-7 6-3.
'L è élt 188 cm e 'l péśa 85 chilo. Al dróa al bras sinìst'r e 'l tira 'l arvèrs cun na maṅ sōla. Al stà a Madrìd. 'L è 'n śugadōr ch'a gh piàś davśinàr-'s a la réda, difàti 'l è stâ bòṅ par tri vòlti ad rivàr in di quàrt a Wimbledon, in dal 2005, in dal 2008 e in dal 2011. 'L à fat cumpàgn anc a gl'US Open dal 2015 mént'r in di àtar dū Slam al s è farmâ par tri vòlti in di utàṿ.
'L è stâ spuśâ p'r ùndas méś cun l’Alba Carrillo ma dòp i aṅ divursiâ cun la sò èx mujér ch'l'à dit che lò 'l è sōl un squasamarléti avénd abû in cal méntar duśènt dóni[1].
.jpg)
Caréra
Feliciano al vins al sò prim tìtul ATP, un Sincsènt, in d'l Utóbar dal 2004 a Vièna baténd in finàl in sinc set 'l argintèṅ Guillermo Cañas. Al spagnōl 'l in mét in bisàca àtar tri, tut Duśènt-sinquànta, da 'l 2010 a 'l 2014 miténd in riga tri francéś, prima Stéphane Robert in sal cimènt ad Johannesburg (7-5 6-1 al puntéǵ), pò Gilles Simon e Richard Gasquet a Eastbourne, tut dū batû in tri set.
Invéci in di turnèo ATP Sincsènt ad Dubai e ad Memphis a gh'è andàda mâł parchè al li à ciapàdi da Roger Federer (2004), da Andy Roddick (2008) e da Kei Nishikori (2013).
Culegamènt estéran
Nòti
- ↑ Tennis, l'èx mujér ad Feliciano Lopez: "Al m à tradî cun duśènt dóni" La Gazzetta Dello Sport, 9 ad Luj dal 2016