Grafitio

Reviziita versio de ĉi tiu paĝo, aprobita je 5 apr. 2019, estis bazita sur ĉi tiu versio.

La ordinara popolo de Romio jam faris grafitiaĵon kiel videblas en Pompeji Italio

Herman Brood sur permesata grafitiejo en Delft Nederlando

Grafitio (murskribaĵo, murskribaĉo) estas skribaĵo aŭ pentraĵo farita per farbo aŭ farbskribilo sur muroj kaj aliaj pli aŭ malpli publikaj objektoj. Ofte oni konsideras ĝin kiel vandalismo. Grafitio tamen ankaŭ ekzistas kiel formo de arto. La vorto "grafitio" devenas el la itala lingvo (graffiti) kaj signifas "skrapaĵoj" la pluralo de graffito, la diminutivo de graffio (skrapaĵo, grataĵo). Ĝi venas el la latina verbo graffiare (skrapi, grati) kiu siavice venas el la greka verbo graphein (enskrapi, skribi, gravuri).