Kunětice

Kunětice
municipo
Preĝejo en Kunětice
Flago Blazono
Oficiala nomo: Kunětice
Ŝtato	Ĉeĥio
Regiono	Regiono Pardubice
Distrikto	Distrikto Pardubice
Administra municipo	Pardubice
Historia regiono	Bohemio
Memorindaĵo	Kunětická hora burgo
Rivero	Elbo
Situo	Kunětice
- alteco	221 m s. m.
- koordinatoj	50° 04′ 14″ N 15° 49′ 38″ O (mapo)
Katastro	3,95 km² (395 ha) Kunětice
Loĝantaro	447 (2024)
Denseco	113,16 loĝ./km²
Tabulo	Orientelba tabulo
Unua skribmencio	1353
Horzono	MET (UTC+1)
- somera tempo	MET (UTC+2)
Poŝtkodo	533 04
NUTS 3	CZ053
NUTS 4	CZ0532
NUTS 5	CZ0532 573515
Katastraj teritorioj	1
Partoj de municipo	1
Bazaj setlejunuoj	1
Situo enkadre de Ĉeĥio Situo enkadre de Ĉeĥio
Vikimedia Komunejo: Kunětice
Retpaĝo: www.obeckunetice.cz
Portalo pri Ĉeĥio

Memorinda pino apud Kunětice

Kunětice estas municipo en Ĉeĥio, regiono Pardubice, distrikto Pardubice, situanta proksimume 6 kilometrojn nordoriente de Pardubice sur ebenaĵo apud dekstra bordo de rivero Elbo. Vivas ĉi tie 447 loĝantoj (2024). Kelcent metroj de la vilaĝo leviĝas monto, sur kiu staras burgo Kunětická hora. Al Kunětice navigas ekskursa ŝipo Arnošt de glacistadiono Pardubice.

La najbaraj municipoj de la setlejo estas Němčice, Pardubice, Sezemice, Ráby kaj Staré Hradiště.

Historio

La unua skriba mencio pri Kunětice (Cwnyeticz) devenas el la jaro 1353, sed la trovaĵoj pruvas, ke teritorio de la vilaĝo estas unu el la plej malnovaj prisetlitaj lokoj de la regiono Pardubice, setlita jam en neolitiko. En ĉirkaŭo estis trovitaj multaj cindrotomboj kaj konstruaĵrestoj el neolitiko. La mezepoka vilaĝo apartenis al monaĥejo de Opatovice kaj post bruligo de la klostro al sinjorejo de Pardubice.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	388
1880	406
1890	419
1900	361
1910	293
1921	299

Jaro	Loĝantoj
1930	325
1950	274
1961	315
1970	266
1980	237
1991	224

Jaro	Loĝantoj
2001	254
2011	270
2014	283
2016	319
2017	318
2018	323

Jaro	Loĝantoj
2019	328
2020	336
2021	345
2022	357
2023	424
2024	447

Memorindaĵoj

Gotika preĝejo

Gotika preĝejo de Sankta Bartolomeo staras en la centro de la vilaĝo sur forlasita tombejo. La origina malgranda romanika konstruaĵo estas ĝis nun konservita kaj uzata kiel sakristio ligita al norda flanko de altarejo de nuntempa preĝejo. Presbiterejo kaj navo de la preĝejo estas gotikaj el la 14-a jarcento, volbo de la navo estas el la 15-a jarcento. La preĝejo en la jaro 1794 forbrulis. Okaze de novgotika rekonstruo fare de František Schmoranz (pli aĝa) estis en la jaro 1897 al okcidenta fronto alkonstruita turo. En interioro de la preĝejo troviĝas postrestoj de muraj pentraĵoj el la fino de 14-a jarcento. En la navo tio estas pentraĵo de Sankta Ursula naviganta kun virgulinoj sur Rejno, Sankta Barbara kaj Sankta Katarino, en presbiterejo Resurekto de la Sinjoro, en timpano de la sankta ŝranko Jezua brustbildo. La preĝejo estas ununava kun kvadrata navo volbita je centran pilieron per sesparta stela volbo. La altarejo estas pli mallarĝa, trilatere fermita, kun krucforma volbo kun kojnoformaj kanelitaj ripoj. Sakristio estas abside fermita kun barelvolbo. Eksteraĵo de la navo kaj presbiterejo estas ekipitaj per apogpilieroj. Ekipaĵo de la preĝejo estas novgotika. Malantaŭ la altaro estas tri difektitaj tomboŝtonoj el la 16-a jarcento.

Lernejo

La origina lernejo en Kunětice estis ligna kaj laŭ enskribaĵo en lerneja kroniko estis oficiale konstituciita jam en la jaro 1788. La lernejo estis unuklasa, kaj ekzemple en la jaro 1878/1879 interpremiĝadis en ĝi 208 infanoj. Nova, duklasa lernejo estis konsekrita en la jaro 1882 kaj servas ĝis nun. Fama instruisto el pli fruaj tempoj estas Matiaso Pětivoký, kiu en la malnova lernejo aktivis 65 jarojn, de la jaro 1807 ĝis 1782, kiam li mortis 91-jarojn aĝa.

Statuo de Sankta Johano el Nepomuko

Statuo de Sankta Johano el Nepomuko estas el la 18-a jarcento.

Humilejo - krucifikso

Humilejo - krucifikso estas el la jaro 1852. En la soklo estas enmetita tabulo kun figura motivo.

Armea ponto

Armea ponto trans Elbo estis konstruita en la jaro 1947 kadre de la programo UNRRA kaj anstataŭis ĝistiaman prampasejon.

Memorinda pino arbara

Memorinda pino arbara (Pinus silvestris) troviĝas sude sub la burgo sur rando de malgranda arbaro. Ĝi estas proksimume 200 jarojn aĝa kaj 15 m alta.

Literaturo

• Marek Podhorský: Pardubický kraj. Eldonis freytag & berndt, eldonejo en Prago en j. 2004.
• Dr. E. Poche, DrSc. a kol. – Umělecké památky Čech. Eldonis Akademia en Prago en j. 1978.

Eksteraj ligiloj

• Paĝaro de Komunumasocio Arkivigite je 2010-09-01 per la retarkivo Wayback Machine ĉeĥe