Le Cinquième Élément

Le Cinquième Élément
filmo
Originala titolo	The Fifth Element, Le Cinquième Élément
Originala lingvo	angla lingvo
Kina aperdato	7 maj. 1997, 9 maj. 1997, 22 aŭg. 1997, 28 aŭg. 1997, 7 maj. 1997, 1997
Ĝenro	sciencfikcia filmo, aventura filmo, komedia filmo, agfilmo, fantasta filmo, malutopia filmo, spekulativa filmo
Kameraado	Thierry Arbogast
Reĝisoro(j)	Luc Besson
Produktisto(j)	Patrice Ledoux
Scenaro	Robert Mark Kamen • Luc Besson
Filmita en	Islando • Londono • Pinewood Studios
Loko de rakonto	Nov-Jorko
Muziko de	Éric Serra
Rolantoj	Bruce Willis • Gary Oldman • Milla Jovovich • Chris Tucker • Ian Holm • Tricky • Lee Evans • Luke Perry • Brion James • Mathieu Kassovitz • John Neville • Sibyl Buck • Charlie Creed-Miles • Christopher Fairbank • Gin Clarke • Jerome Blake • John Bennett • John Hughes • Mia Frye • Richard Ashton • Tom Lister • Maïwenn Le Besco • John Sharian • Kamay Lau • Tim McMullan • Indra Ové • John Bluthal • Shaun Davis • Stacey McKenzie • Ève Salvail • Frank Senger • Lenny McLean • Sonny Caldinez • Kim Chan • Sam Douglas • Anthony Chinn • Richard Leaf • Julie T. Wallace • Mac McDonald • Nicole Merry • Vincenzo Pellegrino • Michael Culkin • Jason Salkey • David Kennedy • Marie Guillard • Ivan Heng • Alan Ruscoe • Christopher Adamson • Al Matthews
Produktinta firmao	Gaumont ; Columbia Pictures
Honorigoj	BAFTA Award for Best Special Visual Effects • Premio César por la Plej Bona Fotografio • Premio César por la Plej Bona Reĝisorado • Premio César por la Plej Bona Dekoracio
IMDb
	v • d • r

Le Cinquième Élément, aŭ angle The Fifth Element (La kvina elemento) estas franca filmo de Luc Besson, aperinta en 1997.

Rakonto

Egiptio, 1914. Du serĉantoj malkovras la ekziston, krom akvo, aero, tero kaj fajro, de kvina elemento, kiu sola povos savi la mondon. Tiu sekreto estas protektata de Mondoshawan, estaĵoj venintaj el alia galaksio, kiuj foriras kun la promeso reveni tricent jarojn poste, kiam Malbono denove alvenos.

Tri jarcentojn poste, en nov-jorka megalopolo, la prezidento kaj ties ĉefa stabo donas maksimuman alarmon pro alproksimiĝo de giganta fajro-bulo, kiu estas detruonta la planedon. Unu el la konsilantoj, pastro Cornelius, tiama terana gardanto de la sekreto, konfirmas, ke la sola rimedo estas posedata de la Mondoshawan. Sed ilia veturilo estas detruita de Mangalores. Tie postvivas embria maso, kiu prenita de militistoj transformiĝas en belegan rufan junan virinon, Leeloo (Leeloo Mina Lekatariba Laminatcha Ekbat D Sebat). Timigita, ŝi eskapas el la stabejo antaŭ ol fali sur la taksion de Korben Dallas, kiu veturas en la aera spaco de la civito, kiel ĉiuj aliaj multnombraj veturiloj. Defendante ŝian kaŭzon, Korben, eks-agento de sekurecaj fortoj, helpas ŝin forkuri de ŝiaj postsekvantoj kaj kondukas ŝin al pastro Cornelius, kiu rekonas ŝin kiel… la kvinan elementon. Ili devos triope retrovi kofron entenantan kvar ŝtonojn, kiuj estis forrabitaj de la hidaj Mangalores je la nomo de la potenca Zorg, servisto de Malbono.

Teĥnikaĵoj

Titolo: Le Cinquième Élément
Angla titolo: The Fifth Element
Reĝisoro: Luc Besson
Scenaro: Luc Besson kaj Robert Mark Kamen
Produktoro: Patrice Ledoux por Gaumont
Muziko: Éric Serra
Filmita en la angla
Filmo por ĉiaj spektantoj en Francio; PG-13 por MPAA (Motion Picture Association of America)

Rolularo

Bruce Willis: Majoro Korben Dallas
Maïwenn Le Besco: Plavalaguna
Gary Oldman: Jean-Baptiste Emanuel Zorg
Ian Holm: Pastro Vito Cornelius
Milla Jovovich: Leeloo
Chris Tucker: DĴ Ruby Rhod
Luke Perry: Billy
Brion James: Generalo Munro

Pri la filmo

Luc Besson atentis, ke la filmo estu de franca nacieco koncerne plurajn kriteriojn de elekto, tiel koncerne la financan parton, kiun Gaumont plene respondecis, kiel koncerne la elekton de francoj ĉe respondecaj teĥnikaj postenoj (foto, muziko, muntado, ktp.) konsiderataj por César aŭ Oskaroj. Tiu kategoriigo ebligas al la filmo ricevi mon-helpon de CNC (Centre national de la cinématographie).