Joanen Bigarren Gutuna-en iturria ikusi

{{letra etzanetako izenburua}}[[Fitxategi:Uncial 0232 recto.jpg|thumb|Itun Berriko eskuidatzia Joanen Bigarren Gutuneko {{biblia|1 J|1:1-5}} testuarekin (V. edo VI. gizaldian).|175x175px]]'''Joanen Bigarren Gutuna''' edo, labur, '''2 Joan''' ('''2 J''') [[Biblia|Bibliako]] [[Itun Berria|Itun Berriko]] [[Gutun katolikoak|gutun katolikoetako]] bat da, [[Joanen gutunak|Joanen hiru gutunetako]] bigarrena. Gutunak ez dauka igorlerik, baina, bere estilo eta edukia dela-eta, [[Joan Ebanjelaria|Joan Apostoluak]] idatzi zuela uste ohi da. Gutuna [[Koine|koinez]] idatzia dago.

Bigarren gutun honek hamahiru txataleko kapitulu bat dauka. ''[[Joanen Hirugarren Gutuna|Joanen Hirugarren Gutunaren]]'' atzetik Bibliako libururik laburrena da.

== Egilea ==
Gutunean ez da ez egilearen, ez igorlearen izenik aipatzen. Bere eduki eta estiloa [[Ebanjelioa Joanen arabera|''Ebanjelioa Joanen arabera''ren]] eta Joanen beste gutun bien oso antzekoak direnez gero, Joanen Bigarren Gutuna Joan Apostoluak idatzi zuela uste da. Joanek gutunak idatzi ez balitu ere, seguru asko, gutunok ''Ebanjelioa Joanen arabera''ren talde edo eskola teologiko berean jatorria leukakete behintzat.

Gutunean egileak "ikasle zahar" izena ematen dio bere buruari, seguru asko, gutunaren igorleek idazlea ohorez hala ezagutuko zuten. Agintea eta duintasuna adierazten dituen titulua da, eta elkarte-buruei ematen zitzaien. [[Asiako Zazpi Elizak|Asiako elizetan]] bereziki, apostolu-tradizioaren lehen lekukoei ematen zitzaien izen hori: Jaunaren ikasle izandakoei edota haieezagutu zituztenei.<ref name=":0">{{Erreferentzia|izenburua=2 J 1:1 - BIBLIJA.net - Biblia interneten|url=https://www.biblija.net/biblija.cgi?m=2+J+1:1&id34=1&pos=0&set=21&l=eu|aldizkaria=www.biblija.net|sartze-data=2021-05-01}}</ref> [[Joan Presbiteroa]] gutun honen eta ''3 Joanen'' egilea dela uste da.<ref>{{erreferentzia|izena=Hugh J.|abizena=Schonfield|urtea=1998|izenburua=The Original New Testament. The definitive translation of the New Testament in 2000 years|argitaletxea=Element Books Ltd|orrialdeak=533-534|hizkuntza=en|atala=Preface to the Letters of John the Elder|lekua=Shaftesbury, [[Dorset]] (Erresuma Batua)}}</ref>

Joan Apostolua ustezko egilea den idazlanen egiazko egilea ote den auziari [[Joandar auzia|''joandar auzi'']] deritzo.

== Hartzaileak ==
Joanen Bigarren Gutuna "andere hautatuari eta haren seme-alabei" zuzenduta dago, eliza-elkarte jakin bat eta bertako kideak deitzeko era poetikoa.<ref name=":0" /> Andere hitza (κυρία) testuinguru profanoan elkarte esateko erabili zen, eta Itun Berriko zenbait testutan sinesleen elkarteari Kristoren neska-lagun izena ematen zitzaion.

== Edukia ==
''[[Joanen Lehen Gutuna]]'' ez lez, Joanen Bigarren Gutuna benetako [[Gutun|gutuna]] da. Testu laburra da, eta [[Papiro|papiro-orri]] batean sartzen da (''Joanen Hirugarren Gutuna''z gauza bera esan daiteke), sasoiko gutunek edukitzen zuten ohiko luzera. Horretaz gain, elkartasuna eskatzen du, eta aginduak betetzea.

=== Egitura ===

* Agurra (1:1-3)
* Elkar maitatu (1:4-6)
* Kontuz antikristoekin (1:7-11)
* Azken agurra (1:12-13)

== Erreferentziak ==
{{erreferentzia zerrenda}}

== Ikus, gainera ==

* [[Biblia]]
* [[Itun Berria]]
* [[Joan Ebanjelaria]]

== Kanpo estekak ==

* [https://www.biblija.net/biblija.cgi?m=2+J&id34=1&pos=0&set=21&l=eu ''Elizen Arteko Bibliako'' Joanen Bigarren Gutuna] {{eu}}
* [https://klasikoak.armiarma.eus/idazlanak/L/LeizarragaTesta027.htm Joanes Leizarragaren Bibliaren Joanen Bigarren Gutuna] {{eu}}

{{autoritate kontrola}}

[[Kategoria:Itun Berriko liburuak]]