Katalan Herriak

Katalan Herriak: hizkuntza ikuspegia (ilunez) eta politikoa (iluna eta argia)

Ikuspegi politikoa

Hizkuntz ikuspegia

Katalan Herriak (Països Catalans) katalana mintzatzen den lurraldeari ematen zaion izena da. Orokorrean, Katalan Herriak Iberiar Penintsularen ekialdean kokatzen dira, Pirinioak eta Segura ibaiaren artean, Balear Uharteak ere batasun honetan sartuz. Zenbaitzuk Sardiniako Alguer (Alghero) hiria ere sartzen dute Katalan Herrien barne.

Hedadura 69.823 kilometro karratuetakoa da eta 12,9 milioi biztanle ditu (2004ean).

Katalan Herriak terminoa katalan nazionalistek erabiltzen dute maiz.

Mugak

• Iparraldean Okzitania.

• Hegoaldean Murtzia.

• Ekialdean Mediterranear itsasoa.

• Mendebaldean Aragoi eta Gaztela-Mantxa.

Banaketa administratiboa

Tradizionalki eta administratiboki, Katalan Herriak ondoko lurraldeok osatzen dituzte, guztiak Espainiako administraziopean Ipar Katalunia (Frantzia) eta Alguer (Italia) izan ezik:

• Katalunia (Catalunya), askotan Printzerria (Principat) deritzona. Pirinioetako Tratatuaren (1659) eraginez iparraldea (Ipar Katalunia) Frantziako estatuaren parte da. Hiriburua Bartzelona da.

• Valentzia (Comunitat Valenciana. Hiriburua Valentzia (València) da.

• Balear Uharteak (Illes Balears). Hiriburua Mallorcako Palma (Mallorca) da.

• Andorrako Printzerria (Principat d'Andorra). Hiriburua Andorra la Vella da.

• Sartaldeko Zerrenda Aragoien (Franja de Ponent edo aragoieraz Francha de Lebán). Hiriburua Fraga da.

Hizkuntzan oinarrituriko ikuspuntu batetik, Katalan Herrien barruan ondorengo lurraldeak ere sartzen dira:

• Sardiniako Alguer hiria, non katalanaren aldaera bat (algerera, alguerès) mintzatzen baita.

• Murtziako El Carxe eskualdea.

Wikimedia Commonsen badira fitxategi gehiago, gai hau dutenak: Katalan Herriak