Zurrunga

Zurrunga goiko arnasbidearen egituren bibrazioa eta honek sortutako soinua da, loa bitartean haize jarioaren butxadurak eragindakoa. Soinua edo zarata arina izatetik gogorra eta desatsegina izan daiteke, kasu larrienetan elkarbizitza arriskuan ipiniz. Nahastutako egituren artean ubula eta ahosabaiak ditugu, eta arrazoien artean hauek daude: Zintzurraren ahultasuna, masailezur edo barailaren jarrera okerra, lepoaren loditasuna eta sudurraren igarobidearen butxadura.

Honen inguruko estatistikak kontraesankorrak dira, baina oso asaldura ohikoa dela esan dezakegu, tokien eta ikerketen arabera gizarte batzuetan pertsonen erdia ere kaltetzen duena, beti ere adin altuagoarekin maizago agertzen delarik.

Zurrungalariek ez dute zertan lotutako gaixotasunik eduki, baina hauetako batzuek loaren apnearen sindromea jasaten dute.

Kanpo loturak

• Jabier Agirre medikuaren artikulua zurrungei buruz, Argia astekarian

Artikulu hau medikuntzari buruzko zirriborroa da. Wikipedia lagun dezakezu edukia osatuz.