Pantailak Euskaraz
Pantailak Euskaraz euskarazko eskaintza telebistan handitzearen aldeko Euskal Herriko mugimendu bat da. Euskal Autonomia Erkidegoa du ekintza eremu batez ere. 2021eko ekainean sortu zen, euskarak pantailetan bizi duen egoerarekin kezkaturik.[1]
Mugimendua beste talde txikiagoek osatu dute, hauexek: Mugimendua talde hauek osatzen dute gaur egun: Disney Plus Euskaraz, Netflix Euskaraz, Game Erauntsia, Zinemak Euskaraz, Tinko euskara elkartea eta Bieuse Bikoiztaile Euskaldunen Elkartea.[1] 2021eko abenduan Euskarazko Ikus-entzunezkoen Aldeko Manifestua plazaratu zuten, Durangon (Bizkaia), eta 40 eragileren babesa jaso zuten. 2022ko ekainaren 11n, elkarteari forma juridikoa emateko asmoa agertu zuten.[1] 2022ko otsailean, Argia kazetaren Kanpaina Onenaren Saria jaso zuten.[2]
| « | Egoera oso larria da. Horren erakusle ondorengo datua: CIESen arabera, 1990. urtean Araba, Bizkaia eta Gipuzkoako haurren %70ek ETB1eko marrazki bizidunak ikusten zituzten; gaur egun, ETB3k %0,3ko pantaila kuota du. Zinemetan bezala, streaming plataforma erraldoietan | » |
—Pantailak Euskarazen aurkezpen agiria[3] | ||
Ikus-entzunezkoen arloan, solaskide izatea lortu dute, EITBko eta streaming plataformetako erakundeekin bilduz, produktuen euskarazko eskaintza zabaltzeari begira. Kritiko agertu dira Espainiako Ikus-entzunezkoen Lege Orokorrarekin.[1] Besteak beste, kezka agertu dute fikzio produktuen eskaintzak telebistan duen presentzia urriarekin. Erakunde arteko harremanetan ez ezik, kale mobilizaziorik egin izan dute, hala nola 2022ko Donostiako Zinemaldiaren lehen egunean, Kursaal aurrean elkarretaratzea eginez.[4]
Erreferentziak
- ↑ a b c d Urkizu, Urtzi. «Bide luzea dute egiteko» Berria (Noiz kontsultatua: 2022-09-17).
- ↑ «Kanpaina onenaren Argia Saria: Pantailak Euskaraz» Argia (Noiz kontsultatua: 2022-09-17).
- ↑ «Kanpaina onenaren Argia Saria: Pantailak Euskaraz» Argia (Noiz kontsultatua: 2022-09-17).
- ↑ Berria.eus. «Klika, irailaren 16a: Pantailak Euskaraz | berria TB ataleko azken bideoak» www.berria.eus (Noiz kontsultatua: 2022-09-17).