Vianaldea

Vianaldea
Euskal Herria
Bargota inguruak.
Administrazioa
Herrialdea	Nafarroa
Udalerriak	Aguilar Kodes, Aras, Armañantzas, Azuelo, Bargota, Cabredo, Desoio, El Busto, Elizagorria, Esprontzeda, Genevilla, Lapoblacion, Marañon, Santsol, Torralba del Río, Torres del Río eta Viana
Herri handiena	Viana
Geografia
Koordenatuak	42°35′00″N 2°20′03″W
Azalera	301,19 km²
Demografia
Dentsitatea	ERROREA: ezin izan da automatikoki kalkulatu, arazoa konpontzeko egin klik hemen biztanle/km²

Vianaldea ([bianalðe.a]) Nafarroako mendebaldean dagoen eskualde edo azpizona bat da, Nafarroako eskualdeak antolatzen dituen Nafarroa 2000 zonifikazioaren arabera. Horrela, Vianaldeak edo Estellerri Mendebaldeak eta Lizarraldeak edo Estellerri Ekialdeak, Estellerria izeneko zona osatzen dute.

Viana da udalerrik jendetsuena. Eremu honetan, orobat, beste barruti txikiago batzuk ere badaude: Kodesaldea, Viana, Mendebaldeko Kodesaldea eta Elizagorria.

Vianaldea azpizonak, zonifikazio plan berbereko Lizarraldea eta Ebro Garaiko Erribera azpizonek gehi Goñerri, Girgillao eta Artazu udalerriek, aurreko Lizarrako merindadearen lurralde bera hartzen dute.

Mugakideak

Eskualde mugakideei dagokienez, honako hauek ditu: ipar-ekialdean Lizarraldea, hego-ekialdean Erribera Garaia, hegoaldean, Ebro ibaia eta Errioxa ditu muga, hego-menbaldean Arabako Errioxa eta ipar-mendebaldean Arabako Mendialdea.

Euskara

Euskarari buruzko Foru Legean xedatuaren arabera, eskualde honetako udalerri guztiak eremu ez euskaldunean zeuden kokaturik 2017. urtera arte. Urte horretan Bargota eta Cabredo eremu mistora pasa ziren. Hori dela eta, aurreko bi udalerri horietan izan ezik, hizkuntza ofizial bakarra gaztelania da. Vianan, halere, Erentzun ikastola sortu zen 1977an. Hurrengo urtean abian hasi zen 17 ikasle zituela. Ordutik, aldaketa eta hobekuntzei aurre egiteko, 1992 eta 2007an Nafarroa Oinez jaia antolatu izan du ikastetxeak. Gaur egun, 116 ikasle eta 13 irakasle ditu zentroak.

Vianan, 2001eko erroldaren arabera, herritarren %5,02k zekien euskaraz hitzegiten.

Udalerrien eta kontzejuen xehetasunak

Hamazazpi udalerri biltzen ditu Vianaldeak.

17 udalerri hauetan 19 herri kokatzen dira eta hauetatik herri bakarrak du 1.000 biztanle baino gehiago, Viana.

#	Udalerria	▪︎Herriburua, •Kontzejuak eta •Herriak	Alkatea	Alkatearen alderdi politikoa	Biztanleria (2023)	Biztanleriaren ehunekoa, Vianaldeko guztizkoan	Azalera (km²)
1	Aguilar Kodes	▪︎Aguilar Kodes	Jesus Angel Amescua Martinez de Rituerto	Agrupacion Independiente Aguilar de Codes	76	%1,27	18,16
2	Aras	▪︎Aras	Jesus Carlos Fernandez Rubio	Agrupacion Independiente Tres Aras	148	%2,48	17,72
3	Armañantzas	▪︎Armañantzas	David Perez de Albeniz Crespo	Nafarroako Alderdi Sozialista	54	%0,90	12,30
4	Azuelo	▪︎Azuelo	Roberto Crespo Morentin	Geroa Bai	37	%0,62	10,50
5	Bargota	▪︎Bargota	Cristina Remirez Marquinez	Kudeaketa batzordea	257	%4,30	25,40
6	Cabredo	▪︎Cabredo	Gorka Sancho Perez de Albeniz	Euskal Herria Bildu	75	%1,26	12,00
7	Desoio	▪︎Desoio	Sergio Alvarez Alvarez	Nafarroako Alderdi Sozialista	72	%1,21	14,12
8	El Busto	▪︎El Busto	Javier Ripa Arizaga	Independientes de El Busto	52	%0,87	7,00
9	Elizagorria	▪︎Elizagorria	Maximo Lopez Caro	Nafar Herriaren Batasuna	182	%3,05	17,00
10	Esprontzeda	▪︎Esprontzeda	Lizhet Jhoana Cerpa Paredes	Agrupacion Independiente de Espronceda	108	%1,81	9,00
11	Genevilla	▪︎Genevilla	Maria Asuncion Landa Gil	Agrupacion Independiente El Encinedo	67	%1,12	9,00
12	Lapoblación	▪︎Lapoblación •Meano	Ernesto Apiñaniz Remirez	Agrupacion Independiente El Castillo	120	%2,01	20,65
13	Marañón	▪︎Marañón	Laura Corres Martin	Nafarroako Alderdi Sozialista	52	%0,87	6,00
14	Santsol	▪︎Santsol	Maria Lourdes Garcia Olazabal	Melgar	87	%1,46	13,31
15	Torralba del Río	•Otiñano ▪︎Torralba del Río	Silvia Camaces Murillo	Geroa Bai	98	%1,64	17,69
16	Torres del Río	▪︎Torres del Río	Alfredo Agos Gines	Partido Independiente Linares	117	%1,96	12,81
17	Viana	▪︎Viana	Maria Blanca Yolanda Gonzalez Garcia	Nafarroako Alderdi Sozialista	4.370	%73,17	78,62
	Vianaldea				5.972 bizt	%100,00	301,28

Ikus, gainera

• Lizarrako merindadea
• Nafarroako eskualdeak

Euskarazko Wikipedian bada atari bat, gai hau duena: Nafarroa

Kanpo estekak

• Datuak: Q3058896