Kamerun Frantsesa

Kamerun Frantsesa; Cameroun français
	1918 – 1960
	Nazioen Ligaren mandatu
Geografia
Hiriburua	Jaunde
Ekonomia
Dirua	Frantziar libera (1918-45); CFA libera (1945-61)
Kultura
Hizkuntza(k)	Frantsesa
Historia
	Kamerun Alemana
Kamerun

Kamerun Frantsesa^[1] (frantsesez: Cameroun français) 1918 eta 1960 artean mendebaldeko Afrikan kokaturiko antzinako Nazioen Ligaren mandatu, eta, ondoren, babespeko lurralde frantses bat izan zen.

XIX. mendearen amaieran, Afrikaren banaketaren garaian, gaur egungo Kamerungo eskualdea Alemaniak protektoratu bezala aldarrikatu zuen. Lehen Mundu Gerran, frantziar eta belgikar tropek eskualdea okupatu zuten, eta, beranduago, 1922an, Britainia Handiak eta Frantziak Nazioen Ligaren mandatu bezala administratu zuten. Frantziar eskualdea Kamerun izendatu zuten, eta britainiarra bi eskualdetan banatu zuten: Ipar Kamerun eta Hegoaldeko Kamerun.

Kamerun Frantsesa herrialde independente bihurtu zen 1960ko urtarrilean, eta Nigeriaren independentzia urte horretan bertan programatu zen beranduagorako. Eztabaida batzuen ondoren (1959tik martxan egon zirenak), 1961eko otsailaren 11n plebiszitu bat egitea adostu zen. Gehiengo musulmanari esker iparraldeko eskualdeak Nigeriarekin elkartzearen alde egin zuen, eta hegoaldeko eskualdeak Kamerunekin bat egitearen alde bozkatu zuen.