Busturia Itsasbegi geltokia

Itsasbegi-Busturia
	Geltokiaren ikuspegia
Lineak
Kokapena
Helbidea	Axpe auzoa, 138; 48350
Udalerria	Busturia, Bizkaia
Geltokiaren datuak
Gunea	4. gunea
Irekiera	1893ko martxoaren 15a
Irisgarria
Zerbitzuak
Nasak	2
Trenbideak	2
Jabea	Euskal Trenbide Sarea
Eragilea	Eusko Trenbideak
Garraio zerbitzuak
EuskoTren	Bilbo ↔ Bermeo

43°23′28″N 2°41′38″W / 43.391028°N 2.693877°W

Busturia Itsasbegi^[1], lehen Sukarrieta, Euskotren Trena eragilearen E4 lineari dagokion lurgaineko geltokia da, Busturia udalerriko Axpe auzoan kokatua, Txatxarramendi uhartearen ondoan, hain zuzen ere. 1893ko martxoaren 15ean ireki zen eta Bizkaiko Garraio Partzuergoaren 4. tarifa-gunearen barruan dago. Zornotzatik Gernika eta Sukarrietarako Trenbide Konpainiaren linearen geltoki-burua izan zen, trena 1955an Bermeoko geltokira luzatu zen arte.

Geltokiak bi nasa eta trenbide ditu, eta nasen aldaketa pasonibela gurutzatuz egiten da. Kanpoaldean doako aparkalekua eta itsasoratzeko kai txiki bat dago.

Kokapena

Geltokia zabalera metrikoa duen Zornotza-Bermeo trenbidearen parte da, 24,001. puntu kilometrikoan kokatuta.^[2]

Sarbideak

Geltokiak sarbide bakarra du, arrapala bidezkoa.

Axpe auzoa, 138

Irisgarritasuna

Geltokira sarbidea	Axpe auzoa, 138
Nasetara sarbidea	1. trenbidea
Nasetara sarbidea	2. trenbidea
Trenera sarbidea	1. trenbidea
Trenera sarbidea	2. trenbidea

Historia

Trenbidearen geltoki-buru izan zenez, geltokiak garrantzizko instalazioak izan zituen. Zurezko egituradun adreiluzko fabrikako eraikin bat zuen, solairu bakarrekoa, eta bestelako eraikuntza txikiak inguruan, hala nola komunak, zama biltegia eta lurrunezko tren-makinentzako eta atoientzako kotxetegiak. Bestalde, zubi birakorra zuen, eta bagoiak pisatzeko baskula.

1948 eta 1949 bitartean, trenbidea Bermeora luzatzearen ondorioz, bidaiarientzako eraikin berri bat eraiki zen, eta zubi birakorra eta kotxetegiak eraitsi ziren.

Izena

Geltokiak hainbat aldiz aldatu du izenez. Hala, 1893tik 1903ra Pedernales izendatu zen; 1903tik 1941era Pedernales, jurisdicción Busturia; 1941etik 1961era, berriro ere Pedernales; 1961etik 1980ra Pedernales-Busturia; 1980tik 1997ra Sukarrieta; eta 1997tik gaur egun arte Busturia Itsasbegi.

Argazki galeria

Geltoki ingurua

Erreferentziak

↑ Google Maps. (Noiz kontsultatua: 2017-09-29).
↑ OLAIZOLA ELORDI, JUANJO. «ZORNOTZA ETA BERMEO ARTEKO TRENA» Euskotren, 151 or. (Noiz kontsultatua: 2017-10-25).

Ikus, gainera

Kanpo estekak

Euskotren

Datuak: Q12259912
Multimedia: Itxasbegi-Busturia train station / Q12259912

[1] Google Maps. (Noiz kontsultatua: 2017-09-29).

[:0-2] OLAIZOLA ELORDI, JUANJO. «ZORNOTZA ETA BERMEO ARTEKO TRENA» Euskotren, 151 or. (Noiz kontsultatua: 2017-10-25).

[1]

[2]