Groep fan Auwerk

Ofbyld:Nijfryslan.png

Nij Fryslân neffens de Groep fan Auwerk

De Groep fan Auwerk is in beweging dy’t stribbet nei in selsstannige dielsteat fan in Nij-Fryslân yn Europa. De lannen dy't neffens de Groep fan Auwerk by it Nij Frisia hearre binne:

• Gemeinde Helgolân, Kreis Pinneberch, Dútslân.
• Histoaryske regio West-Fryslân yn de provinsje Noard-Hollân, Nederlân.
• Provinsje Drinte yn Nederlân.
• Provinsje Fryslân yn Nederlân.
• Provinsje Grinslân yn Nederlân.
• Regio East-Frisia, Nedersaksen, Dútslân.
• Kreis Noard-Frisia, Sleeswyk-Holstein, Dútslân.
• Krite Ditmarschen, Sleeswyk-Holstein, Dútslân.
• Krite Rustringen, diels yn dielsteat Bremen en Nedersaksen.

Skiednis

De organisaasje is oprjochte yn 2003. De organisaasje hat doe har stânpunten úteinset. Yn 2005 is de groep begûn mei de earste polityke aksje. Hja hawwe de Fryske nasjonaliteit oanfrege by it provinsjehûs yn Ljouwert. Dêrnei hawwe se aksje fierd troch in FRL-nûmerboerd te meitsje. Elk nûmerboerd hat in stikje blauw mei de Europeeske stjerren. De groep hat der de koade FRL ûnder setten krekt as de lannenkoades dy't der oar's op stean. It wie de bedoeling dat minsken sjen litte kinne dat se by Fryslân hearre. De groep hat ek oare aksjes lykas de anti-nazi-helm dy makke wie foar it wrâldkampioenskip fuotbal in 2006. Op 23 septimber 2006 hat de groep de Ynterfryske Flagge presintearre. Dizze flagge kin brûkt wurde yn alle Fryske regio's. Net eltsenien koe it lykfine mei it konsept fan de Ynterfryske Flagge mar de Ynterfryske Rie stelde dochs in kommisje yn.

Polityk

De groep is aktyf yn de polityk. Se wurkje nei een sterkere Fryske identiteit. In goed foarbyld derfan is it stânpunt dat alle Fryske minsken hun Fryske nasjonaliteit krije kinne moatte njonken harren Nederlansk of Dútsk boargerskip. Neffens de groep binne der mear misstannen, lykas al it jild dat fertsjinne wurdt mei it gas yn Grinslân, dêr't in grut part fan nei de Rânestêd giet. Neffens harren is dit net earlik.

Ofbyld:Trochgeand ferkear.jpg

Aksje september 2008

De groep fan Auwerk hat yn de Súdwesthoeke in tal ferkearsbuorden ferfongen troch in Frysktalige ferzje. De buorden ‘Doorgaand verkeer’ binne ferongen troch buorden mei ‘Trochgeand ferkear’. Ek de buorden mei ‘Fietspad’ binne feroare yn buorden mei it wurd ‘Fytspaad’. De groep wol mear romte foar de Fryske taal. Se fine dat Rykswettersteat en de Belestingtsjinst it Frysk noch altiten negearje yn harren kommunikaasje.

• 
  Noardfryske flagge
• 
  Eastfryske flagge
• 
  Fryske flagge
• 
  Grinslânske flagge
• Westfryske flagge
  Westfryske flagge
• 
  Ynterfryske gearwurkingflagge

Keppeling om utens

• Webstee fan de Groep fan Auwerk.