Nijeveen

	Nijeveen
	De Nederlânsk herfoarme tsjerke fan Nijeveen
	Emblemen
	Bestjoer
Lân	Nederlân
provinsje	Drinte
gemeente	Meppel
	Sifers
Ynwennertal	3.810 (2020)
Oerflak	25 km²
Befolkingsticht.	152 /km²
	Oar
Postkoade	7948
Tiidsône	UTC +1
Simmertiid	UTC +2
Koördinaten	52° 44' NB, 6° 10' EL
	Offisjele webside
	Doarpsferiening Nijeveen
	Kaart
	;
	Kaart
	Lizzing fan Nijeveen yn de gemeente Meppel

Nijeveen is in doarp en eardere gemeente yn it súdwesten fan de Nederlânske provinsje Drinte. Sûnt 1998 makket de eardere gemeente Nijeveen diel út fan de gemeente Meppel en omfieme de doarpen Kolderveen, Nijeveense Bovenboer en Kolderveense Bovenboer. It doarp Nijeveen hie yn 2020 3810 ynwenners.

Skiednis

De skiednis fan Nijeveen giet tebek oant 1477. Yn 1977 waard it 500-jierrich bestean fan it doarp fierd. Fan âlds bestiet Nijeveen út lintbebouwing by de Dorpsstraat del mei grutte pleatsen. Dy binne benammen noch yn gebrûk foar de feetylt. Nijeveen en omkriten skaaimerket him as dûbellint. Oan de súdkant rint it lint fan de Dorpsstraat oer de Nieuweweg troch nei de útbuorren Kolderveen. De noardlike lintbebouwing omfiemet de útbuorrens Nijeveense Bovenboer en Kolderveense Bovenboer.

Havelterveen en Hesselternijeveen binne âlde nammen fan it doarp. It âlde doarp Hesselte benoardeasten fan Nijeveen feroare syn namme yn de santjinde iuw ta Darp, dat "doarp" betsjut.

Yn de santiger jerren waard in grut stik by Nijeveen boud. Oan de ein fan de tweintichste iuw waard de Vogelbuurt (Fûgelbuert) boud, dat in nijbouwyk mei grutte wenten. De strjitten krigen allegear nammne fan fûgels, fandêr de namme fan de wyk. Daliks nei it jier 2000 sette de gemeente Meppel út ein mei in nijbouplan: Daninge Erve. Om't der om 2005 hinne in soad fraach nei gruttere wenten wie, waard der in fillawyk stifte yn Nijeveen. Dy wyk krige de namme Daninge Erve-Zuid. Begjin 2008 kaam de gemeente Meppel mei it plan om Daninge Erve-Zuid út te wreidzjen.

Tusken Nijeveen en Meppel wurdt in grut nijbouprojekt boud: de Nieuwveense Landen. Dat plan sil om 2050 hinne ree wêze moatte.

Tusken 1946 en 1962 wie de út Fryslân ôfkomstige Douwe Weima boargemaster fan de gemeente Nijeveen

Geografy

Nijeveen leit yn it súdwesten fan Drinte tichteby de plakken Meppel en Stienwyk. Troch Nijeveen rint de Nijeveense Grifte. Dy wetterwei is net mear te befarren. Eartiids waarden oer dy farwei produkten nei de merk yn Meppel ferfierd.

Nijeveen leit oan de A32 fan Ljouwert nei Meppel.

It besjen wurdich

Nederlânsk-herfoarme tsjerke mei dernjonken de eardere skoalle
Mûne De Sterrenberg
Albert Vink Dierenweide
Burg v d Woudepark

Galery

Dorpsstraat (foar de weryndieling)
Eardere C1000
Kriichsmonumint
Iepenloft natuerswimbad
Skeeler- en iisbaan
Mûne De Sterrenberg
Nederlânsk Herfoarme Tsjerke yn Kolderveen

Keppeling om utens

Wikimedia Commons

Ofbylden dy't by dit ûnderwerp hearre, binne te finen yn de kategory Nijeveen fan Wikimedia Commons.

52° 44' NB, 6° 10' EL

	Meppel
Stêd: Meppel
Doarpen: Kolderveen • Nijeveen • Rogat
Buorskippen: Broekhuizen • De Kolk • Havelterberg • Havixhorst • Kolderveense Bovenboer • Lindenhorst • Nijentap • Nijeveense Bovenboer • Schiphorst
· ·