Skópelos

Skópelos

Localización
39°07′00″N 23°42′00″L
Estado	Grecia
Administracións descentralizadas	Decentralized Administration of Thessaly and Central Greece (en)
Periferias	Tesalia
Unidades periféricas	Sporades Regional Unit (en)
Concello	Skopelos Municipality (en)
Xeografía
Parte de	Espóradas - Σποράδες
Superficie	96 km²
Bañado por	Mar Exeo
Altitude	680 m
Santo padrón	Reginos (en)
Identificador descritivo
Código postal	370 03
Fuso horario	UTC+02:00, horario estándar UTC+03:00, horario de verán
Sitio web	skopelos.gov.gr

Skópelos (en grego Σκόπελος) é unha illa grega do mar Exeo occidental, unha das Espóradas Setentrionais. Skópelos sitúase ao leste da Grecia continental, ao nordeste da illa de Eubea, e forma parte do departamento de Magnesia e da rexión de Tesalia.

No ano 2011 tiña 4.960 habitantes. A capital, tamén chamada Skópelos ou Khora (3.027 habitantes), é o porto principal.

Historia

Antigamente chamábanlle Peparethos (en latín Peparethus). Segundo Plinio antes chamábase Staphylos, o nome dun rei mítico. A illa contaba con tres cidades, unha das cales levaba o mesmo nome que a illa, sufriu un terremoto no ano -426. Foi atacada por Alexandre de Feres. A mediados do século -IV apoderouse da illa de Halonnesos e en represalia foi devastada por Filipo II de Macedonia. No ano -207, Filipo V de Macedonia gorneceu a cidade par defendela contra os romanos e finalmente foi destruída no ano -200 para evitar a conquista por parte destes. Finalmente pasou a mans romanas (-146), bizantinas (330), venecianas (1204) e otomás (1538), ata que en 1830 entrou a formar parte do novo estado grego. Foi ocupada polas potencias do Eixo entre 1941 e 1944.

A lenda di que a illa de Skopelos foi fundada por Staphylos ou Staphylus (en grego, uva), un dos fillos do deus Dioniso e a princesa Ariadna da illa de Creta. Historicamente, a finais da Idade de Bronce Skopelos, entón coñecido como Peparethos (Πεπάρηθος) ou Peparethus, foi colonizada por cretenses que introduciron a viticultura na illa.

Talvez debido á lenda da súa fundación polo fillo do deus do viño, a illa era coñecida por todas as cidades gregas da antigüidade do Mediterráneo polo seu viño. A obra Filoctetes (estreada no Festival de Dionisio no ano 409 antes de Cristo) por Sófocles inclúe un comerciante de viños perdido no seu camiño a "Peparethos - rica en uvas e viño".

En 1936 as excavaciones na zona de Staphylos / Velanio descubriron unha tumba real da éra da Grecia micénica. A illa estivo brevemente baixo o control da cidade-estado de Calcis, Eubea polo menos desde o século 8 aC.

Á súa vez a illa pasaría a estar baixo a influencia política ou dominación directa de:

• Atenas.
• O Reino de Macedonia (338 a 146 aC).
• A República Romana (146 a 27 aC).
• O Imperio Romano (27 aC - 330 dC).
• O Imperio Bizantino (330 - 1204).
• A República de Venecia (Ducado do Arquipélago), coñecida como Scopelo (1204-1538).
• O Imperio Otomán (1538 ata a Guerra de independencia grega).

Skopelos pasou a formar parte da Primeira República Helénica polo Protocolo de Londres que confirmou a súa soberanía (3 de febreiro de 1830) Durante a segunda guerra mundial, Skopelos caeu baixo a ocupación do Eixo. Ao principio foi ocupada polo Reino de Italia (xuño 1941 a setembro 1943) e logo pola Alemaña nazi (setembro 1943-outubro 1944). Skopelos e o resto de Grecia volveu ao goberno democrático en 1944.

Xeografía

Skopelos é unha das varias illas que comprenden o grupo das Espóradas norte. Skopelos é tamén o nome do porto e da capital municipal da illa. As outras comunidades da illa son Glossa e Neo Klima (Elios). A xeografía de Skopelos inclúe dúas montañas de máis de 500 metros, Delphi (681 m) no centro da illa, e Palouki (546 m) no sueste. Cunha superficie de 96 km² Skopelos é lixeiramente maior que Mykonos (85 km²) e Santorini (73 km²). As illas máis próximas habitadas son Skiathos ao oeste e Alonissos ao leste.

Skopelos ten a forma dun saxo, co "pescozo" que apunta ao noroeste, e a "campá" cara ao leste. Non hai moitas baías nin portos naturais, os cantís caen ao mar na maior parte da costa. As montañas dominan a parte occidental e oriental da illa. Hai varias llanuras, en Staphylos, Ditropon e Panormos. O principal porto de Skopelos ás veces ten que ser pechado debido aos vendavais do norte. As baías máis pequenas de Staphylos, Agnondas, na costa sur e Panormos na oeste ofrecen unha mellor protección.

Comunidades

O porto principal e capital municipal da illa (Skopelos ou Chora) está situado na baía da costa norte. Destaca polo seu patrimonio arquitectónico. No censo de 2001, tiña 3.027 habitantes.

O segundo asentamento máis grande é Glossa, situada no extremo noroeste da illa, xusto por encima do porto de Loutráki, con alturas comprendidas entre os 200 e 300 metros. Está a 25´4 km da cidade de Skopelos. É un pobo tranquilo, con casas tradicionais, con 1.195 habitantes.

Neo Klima ou "Elios" é un pobo construído despois do gran terremoto de 1965 para recolocar aos residentes desprazados da localidade da (antigo) Klima, severamente danada. Está situado xunto á costa no lado oeste da illa. O pobo tiña 415 habitantes no censo de 2001.

Outros asentamentos son Staphylos, Agnondas, Panormos, Ananías, Klima, Atheato, Loutraki, Kalogeros e Milli.

Economía

Skópelos (cidade)

Vista de Chora

A economía de Skopelos é agora totalmente dependente do turismo que soporta a industria da construción e outras industrias relacionadas co desenvolvemento. Aínda que o turismo é maior durante os meses de verán, Skopelos é tamén un destino turístico durante todo o ano para os xubilados de Europa do norte. Algúns residentes esperan un aumento no turismo debido á filmación de Mamma Mia! na illa en setembro de 2007. A agricultura, unha vez elemento básico da economía local, está en declive. Existen plantacións de ameixas e améndoas, pero son menos extensos que no pasado. A produción de viño con uva local é mínima desde a praga de filoxera que na década de 1940 destruíu os viñedos. Aínda que se produce viño a pequena escala local a partir de uvas locais, a maior parte do viño producido na illa é para uso domesticor e moito producido a partir de uvas importadas de Tesalia. Continúa o pastoreo de cabra domésticas e ovella domésticas e a paartir destas poboacións prodúcese un tipo de queixo local feta. A apicultura e a produción de mel aumentou nos últimos anos. Skopelos ten unha pequena frota de pesca que faena augas locais.

Skopelos non pode soster á súa poboación cos bens e alimentos producidos localmente. A maior parte do que se usa e consómese debe ser importado por barco desde o continente. Os prezos dos alimentos e bens de consumo reflicten o gasto adicional de transporte. Por lei, o goberno grego recada menos IVE para a comida e a bebida comprada nas illas que para os mesmos artigos comprados na Grecia continental. Con todo, as compras de alimentos e bebidas son un 10 por cento máis caras en Skopelos que no continente. A maioría dos materiais de construción, incluíndo area, tamén se deben importar. Os prezos de gasolina son, como mínimo, un quince por cento máis caros que no continente.

Skopelos é unha sociedade matrilineal. A riqueza transmítese a través da liña feminina. Por costume, os pais de cada noiva Skopelitana proporcionan á nova parella con polo menos unha casa e algúns bens. A casa e os bens permanecen a nome da noiva. Este costume é moi insular como en moitas outras partes de Grecia, especialmente no continente e Creta, a riqueza é patrilineal.

Véxase tamén

Outros artigos

• Outras illas gregas

Ligazóns externas

• www.skopelos.gr
• National Observatory of Athens Skopelos Weather Station
• www.goskopelos.comArquivado 15 de setembro de 2019 en Wayback Machine.
• skopelosweb.gr